Yfir­lýs­ingar Gunnars Smára Egils­sonar og aðdrótt­anir í garð fjár­mála­stjóra Eflingar, Krist­jönu Val­geirs­dóttur, eru alvar­leg aðför að mann­orði hennar og í þeim felst meira en nægt til­efni til meið­yrða­máls og kröfu miska­bóta.

Þetta kemur fram í yfir­lýs­ingu sem lög­maður Krist­jönu, Lára V. Júl­í­us­dóttir, hefur sent fjöl­miðlum fyrir hennar hönd. Ekki hefur þó verið tekin ákvörðun um hvort höfðað verði mál á hendur Gunnari Smára.

Um síð­ustu helgi fjall­aði Morg­un­blaðið um ólgu á skrif­stofu Eflingar og fleiri fjöl­miðlar fylgdu í kjöl­farið. Gunnar Smári tjáði sig ítrekað á Facebook um frétt­ina og mál­efni tengd Eflingu, meðal ann­ars um Krist­jönu og hennar störf.

Í yfir­lýs­ing­unni sem Lára sendi út fyrir hönd Krist­jönu er sagt að óhjá­kvæmi­legt að bregð­ast við „þeim rang­færslum og óhróðri sem hún nú verður fyrir af hálfu Gunnars Smára.“ Þar segir að Gunnar Smári hafi sagt Krist­jönu sverta nafn Öldu Lóu Leifs­dóttur, eig­in­konu hans, í von um að koma höggi á yfir­menn sína. Við það kann­ast Krist­jana ekki enda komi nafn Öldu Lóu hvergi fram á reikn­ingum eða gögnum og Krist­jana hafi aldrei hitt hana.

„Gunnar segir enn­fremur að umbjóð­andi minn sé „aug­ljós­lega ómerki­leg mann­eskja og ill­görn.”  Hvernig Gunnar kemst að þeirri nið­ur­stöðu er ill­skilj­an­legt þar sem umbjóð­andi  minn kann­ast ekki við Gunnar Smára Egilsson nema úr fjöl­miðlum og minn­ist þess ekki að hafa hitt þann mann né átt nein sam­skipti við hann.“

Þá segir í yfir­lýs­ing­unni að öllum ásök­unum, ávirð­ingum og alhæf­ingum svo sem þeirri að fjár­mála­stjóri Eflingar „beri ábyrgð á vondri stöðu verka­lýðs­hreyf­ing­ar­innar og hafi valdið verka­fólki fjár­hags­legu tjóni“ sé vísað á bug enda engin rök eða sann­an­anir fyrir því að nokkur fótur sé fyrir þeim.

„Mynd­birt­ing  af umbjóð­anda mínum sem fylgir þessum ósönnu ásök­unum er ámæl­is­verð og hluti af árás á per­sónu umbjóð­anda míns sem ekki er hægt að sitja undir. Hvað Gunnari Smára gengur til með umfjöllun sinni skal ósagt látið og ekki vitað til þess að hann hafi hingað til borið hag verka­lýðs­stéttar þessa lands sér­stak­lega fyrir brjósti, en allar þessar fölsku og röngu ávirð­ingar sem bornar eru á umbjóð­anda minn hljóta að kalla fram við­brögð af hálfu hennar. Ljóst er að þær eru alvar­leg aðför að mann­orði hennar og meira en nægt til­efni til meið­yrða­máls og kröfu miska­bóta á hendur Gunnari Smára Egils­syni,“ segir í yfir­lýs­ing­unni.

Í sam­tali við Stundina sagði Lára að ekki hefði verið tekin ákvörðun um hvort höfðað yrði mál á hendur Gunnari Smára vegna þess­ara ummæla. Aðspurð um þau ummæli sem Gunnar Smári lét falla í athuga­semd á Facebook, að lík­lega hefði Krist­jana stungið undan fjár­munum í starfi sínu, sagði Lára að þeim ávirð­ingum væri for­taks­laust hafnað.