Reynist frum­mats­skýrsla Sam­keppn­is­eft­ir­lits­ins á rökum reist hefur Guð­mundur Krist­jáns­son, útgerð­ar­maður og aðal­eig­andi Brims og HB Granda, gerst sekur um alvar­leg brot á sam­keppn­is­lögum. Felast mögu­leg brot í því að Guð­mundur hafi tekið við sem for­stjóri HB Granda á sama tíma og hann sé aðal­eig­andi Brims og sömu­leiðir að Guð­mundur hafi setið í stjórn Vinnslu­stöðv­ar­innar í Vest­manna­eyjum á sama tíma.

Frétta­blaðið greinir frá þessu. Í bréfi frá Sam­keppn­is­eft­ir­lit­inu kemur fram að var­huga­vert sé í sam­keppn­is­legu til­liti að aðili sem eigi allt hlutafé í félagi, Brimi í þessu til­viki, sé jafn­framt for­stjóri félags á sama mark­aði og stjórn­ar­maður í þriðja félag­inu sem einnig sé umsvifa­mikið í útgerð. Guð­mundur tók við sem for­stjóri HB Granda í vor eftir að hann eign­að­ist 34 pró­senta hlut í fyr­ir­tæk­inu með kaupum Brims í því 4. maí síð­ast­lið­inn.

Auk þess­ara mögu­legu brota telur Sam­keppn­is­eft­ir­litið einnig að þegar Brim keypti í HB Granda hafi til­kynn­ing­ar­skyldur sam­runi átt sér stað. Hann hafi ekki verið til­kynntur til Sam­keppn­is­eft­ir­lits­ins. Hið sama kunni að hafa átt sér stað þegar Brim eign­að­ist útgerð­ar­fyr­ir­tækið Ögurvík sum­arið 2016.