Auglýsing vekur athygli: Konum boðið frítt húsnæði fyrir að veita félagsskap

Borið hefur á því und­an­farin ár að konum í hús­næð­is­vanda sé boðið húsa­skjól í skiptum fyrir kyn­líf. Fjallað hefur verið um slík dæmi í fjöl­miðlum og haft var eftir verk­efna­stjóra Bjark­ar­hlíðar, mið­stöðvar fyrir þolendur ofbeldis, í fyrra að þreng­ingar á hús­næð­is­mark­aði og bág staða leigj­enda sköp­uðu kjörað­stæður fyrir vændis­kaup­endur sem vildu nýta sér neyð ann­arra.

Vandinn á sér fleiri birt­ing­ar­myndir. Í nótt birti maður á miðjum aldri aug­lýs­ingu á Bland.is sem beint var sér­stak­lega til kvenna, þar sem þeim er boðið að búa í hús­næði hans án þess að greiða leigu. Sagðist hann ekki vera á hött­unum eftir pen­inga­greiðslum heldur ein­vörð­ungu félags­skap. Hugs­an­lega kyn­lífi en ekk­ert endi­lega, enda hefði hann óbeit á vændi.

„Ég er ekki að þessu til að græða, ég er ein­göngu að óska eftir traustum félags­skap“

„Ég rukka ekki um neina leigu enda er slíkt bannað í þess­ari félags­legri íbúð sem að ég bý í, en ég tel eða veit að það er ekki hægt að neita mér um að hafa félags­skap í íbúð­inni minni. Ég er ekki að þessu til að græða, ég er ein­göngu að óska eftir traustum félags­skap þar sem að ég er orð­inn tölu­vert ein­mana,“ skrif­aði hann. „Ég er ekki að leita eftir neinu vændi eða kyn­lífs­greiðum enda þoli ég ekki svo­leiðis, en þú verður þó að vera mjög mynd­ar­leg og áreið­an­legur ein­stak­lingur.“ 

Sagðist mað­ur­inn sjálfur vera „mjög per­sónu­legur, hrein­skil­inn, vina­legur, hress, traustur og jákvæður“ og óska eftir konu sem hefði sömu kosti að bera. „Þar sem að reglur félags­bú­staða heim­ila ekki að ég leigi íbúð­ina mína, þá óska ég bara eftir konu til að búa með, hvort sem að um kyn­líf er að ræða eða ekki. En ég tek það mjög skýrt fram vegna þess hve mikla sjálfs­virð­ingu ég hef, þá kem ég aldrei til með að kaupa mér kyn­lífs­greiða.“

Aug­lýsand­inn vildi ekki ræða málið nánar þegar Stundin hafði sam­band við hann. Aug­lýs­ing hans hefur nú verið fjar­lægð af Bland.is. Hún hafði hins vegar vakið mikla athygli og verið opnuð fimmtán þús­und sinnum áður en hún hvarf.