„Ég er almennt ekki fylgj­andi boðum og bönnum, en ég tel ástæðu til að bregð­ast við hætt­unni,“ segir Hildur Björns­dóttir, borg­ar­full­trúi Sjálf­stæð­is­flokks­ins, sem boðar að hún muni leggja fram til­lögu í borg­ar­stjórn Reykja­víkur um að börn, sem ekki eru bólu­sett, fái ekki leik­skóla­vist, nema með ein­stökum und­an­tekn­ingum.

Ástæðan er að misl­inga­til­fellum hefur fjölgað veru­lega í Evrópu á árinu 2018. Fyrstu sex mán­uði árs­ins lét­ust minnst 37 manns af völdum misl­inga í álf­unni. Flest dauðs­fall­anna áttu sér stað í Serbíu, eða 14.

„Ég mun flytja til­lög­una í borg­ar­stjórn.“

„Mér finnst rétt að Reykja­vík­ur­borg geri almennar bólu­setn­ingar að skil­yrði við inn­töku í leik­skóla borg­ar­innar (með ein­staka und­an­tekn­ingum). Margar Evr­ópu­þjóðir hafa brugðið á sama ráð. Þátttaka í almennum bólu­setn­ingum á Íslandi er ekki við­un­andi að mati sótt­varn­ar­læknis. Minnki þátt­taka enn frekar má búast við að hér­lendis fari að breið­ast út sjúk­dómar sem ekki hafa sést um ára­bil. Misl­ingar eru sér­stakt áhyggju­efni en sam­kvæmt WHO hafa misl­ingar náð gíf­ur­legri útbreiðslu í Evrópu síð­ustu tvö ár,“ skrifar Hildur á Facebook-síðu sína.

Sótt­varn­ar­læknir hefur tekið fram að höfnun á bólu­setn­ingum sé „fremur sjald­gæf hér á landi“. „Miklu algeng­ara er að skoðun í ung- og smá­barna­vernd falli niður af óljósum orsökum. Á und­an­förnu ári hefur verið lagt í vinnu við að auð­velda heilsu­gæslu­stöðvum að fylgj­ast með stöðu mála hjá þeim börnum sem eru skráð á stöð­ina og gefur það tæki­færi til að kalla inn börn sem ekki hafa mætt í skoðun. Frekari úrbætur eru í und­ir­bún­ingi til að auð­velda skrán­ingu og fleira,“ sagði í yfir­lýs­ingu frá sótt­varna­lækni í júlí síð­ast­liðnum. 

Hildur tekur fram að til­laga um úti­lokun óbólu­settra barna frá leik­skóla verði lögð fram á næst­unni. „Ég mun flytja til­lög­una í borg­ar­stjórn.“