Þessi grein birtist upphaflega í Stundinni fyrir meira en 7 árum.

Vildi ekki verða „húsþræll“ í vinstri- og miðjusamstarfi en myndaði atkvæðablokk með Sjálfstæðisflokknum

Sanna Magda­lena Mörtu­dótt­ir, borg­ar­full­trúi Sósí­al­ista­flokks­ins, sæt­ir harðri gagn­rýni fyr­ir að hafa stillt sér upp með Sjálf­stæð­is­flokkn­um og Mið­flokkn­um af praktísk­um ástæð­um. „Fram­kvæmd­ar­stjóri borg­ar­stjórn­ar­flokks Sjálf­stæð­is­flokks­ins sendi fyr­ir hönd allr­ar stjórn­ar­and­stöð­unn­ar skip­an okk­ar í nefnd­ir,“ sagði Hild­ur Björns­dótt­ir, borg­ar­full­trúi Sjálf­stæð­is­flokks­ins, í dag.

Vildi ekki verða „húsþræll“ í vinstri- og miðjusamstarfi en myndaði atkvæðablokk með Sjálfstæðisflokknum

Sanna Magdalena Mörtudóttir, borgarfulltrúi Sósíalistaflokks Íslands, fylgdi Sjálfstæðisflokknum, Miðflokknum og Flokki fólksins að þegar kosið var í ráð og nefndir á fyrsta fundi nýrrar borgarstjórnar í dag. Sanna greinir frá því á Facebook að þetta hafi hún gert af praktískum ástæðum til að tryggja Sósíalistaflokknum fleiri sæti en flokkurinn hefði ellegar fengið.

Vigdís Hauksdóttir, fulltrúi Miðflokksins, sagði í upphafi borgarstjórnarfundar að minnihlutaflokkarnir hefðu ákveðið að bjóða fram og kjósa sameiginlega í ráð, nefndir og formennsku. Þetta gekk eftir. „Ég hefði þurft að láta segja mér tvisvar að Sanna myndi styðja Eyþór til formennsku í skipulagsráði og Vigdísi í formannsku í umhverfis- og heilbrigðisráði og að þau styddu hana á móti í formennsku í velferðarráð,“ skrifaði Dagur B. Eggertsson borgarstjóri á Twitter í kvöld.

Á fundinum sagði Hildur Björnsdóttir, borgarfulltrúi Sjálfstæðisflokksins: „Ég vil upplýsa um að framkvæmdarstjóri borgarstjórnarflokks Sjálfstæðisflokksins sendi fyrir hönd allrar stjórnarandstöðunnar skipan okkar í nefndir á Helgu Björk Laxdal, skrifstofustjóra borgarstjórnar.“ 

Sanna hefur sætt harðri gagnrýni á samfélagsmiðlum fyrir að hafa stillt sér upp með minnihlutaflokkunum. Er þá meðal annars vísað til pistils sem hún skrifaði þann 30. maí síðastliðinn, þar sem hún vitnaði í Malcolm X og notaði líkingarmál um húsþræla til að rökstyðja hvers vegna hún vildi ekki taka þátt í viðræðum eða meirihlutasamstarfi við þá yfirlýstu vinstri- og miðjuflokka sem þá áttu í óformlegum samtölum um hugsanlegt meirihlutasamstarf.

„Það er engin von að okkur takist að byggja
upp sterka hreyfingu hinna valdalausu bundin
við samkomulag við hægri öflin og
miðjuna í stjórnmálunum“

„Fjöldahreyfing þrælanna á akrinum var samstaða gegn óréttlætinu. Ekki beiðni um eilítið stærri matarskammt. Heldur samstaða um að fella hið óréttláta kerfi,“ skrifaði Sanna. „Það er engin von að okkur takist að byggja upp sterka hreyfingu hinna valdalausu bundin við samkomulag við hægri öflin og miðjuna í stjórnmálunum. Við munum ekki geta unnið að hagsmunum fólksins á akrinum liggjandi á dýnu í kjallara þrælahaldarans.“

Vill samstöðu með Sjálfstæðisflokknum,
Miðflokknum og Flokki fólksins

Sanna brást við harkalegri gagnrýni á kosningablokk minnihlutans á Facebook-hópi Sósíalistaflokksins í kvöld. Þar segir hún að kosningabandalagið hafi þjónað þeim tilgangi að tryggja Sósíalistaflokknum fleiri sæti í ráðum, stjórnum og nefndum borgarinnar. Sósíalistar hafi skuldbundið sig til að kjósa fulltrúa Sjálfstæðisflokksins og annarra flokka í veigamikil embætti gegn því t.d. að Sjálfstæðisflokkurinn gæfi Sósíalistum eftir sæti í stjórn Félagsbústaða. 

„Flokkar í svokölluðum minnihluta tóku sig til á tal við okkur eftir að meirihlutasamstarf var samþykkt og buðust þeir með flesta kjörna fulltrúa þar til að láta eftir fleiri sæti til okkar í ráð, stjórn og nefndir en við hefðum fengið ein á báti eða með hinum litla flokkunum,“ skrifar hún. „Að bjóða fram slíkan sameiginlegan lista tryggir sósíalistum fleiri sæti og áhrifastöðu til að láta málefnin okkar heyrast en ef við hefðum ekki gert svona. Án þess að vera bundin hefði D fengið öll sætin. Að kjósa með lista sem við lögðum fram er ekki litið svo á að styðja D heldur að sýna samstöðu stjórnarandstöðu. Slíkt er gert til að hrista upp í svokölluðum meirihluta. Vissum lika að slíkt myndi aldrei ná í gegn með 12 á móti 11. Sósíalistar fá meira með þessu. D lætur t.d. eftir sæti stjórn til Félagsbústaði til Sósíalistaflokksins. Ég vona að þetta sé skýrt en skýri nánar frá að loknum fundi.“

Daníel Örn Arnarsson, varaborgarfulltrúi Sósíalistaflokksins, tekur í sama streng og skrifar: „D græðir ekkert á okkur. Allt þetta samkurl er eingöngu praktísks eðlis til þess að vera öflug stjórnarandstaða úr báðum áttum. Þeir eru ennþá óvinurinn en þau eru valdalausi óvinurinn í borginni. Ég endurtek það er og verður aldrei neinn málefnalegur hljómgrunnur á milli sósíalista og D“. 

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.
Tengdar greinar

Borgarstjórnarkosningar 2018

Var andvígur frekari uppbyggingu félagslegs húsnæðis fyrir kosningar en gagnrýnir nú meirihlutann fyrir að hunsa vandann
Fréttir

Var and­víg­ur frek­ari upp­bygg­ingu fé­lags­legs hús­næð­is fyr­ir kosn­ing­ar en gagn­rýn­ir nú meiri­hlut­ann fyr­ir að hunsa vand­ann

Ey­þór Arn­alds lýsti sig ger­sam­lega mót­fall­inn auk­inni áherslu á upp­bygg­ingu fé­lags­legs hús­næð­is í Reykja­vík í kosn­inga­prófi RÚV í að­drag­anda sveit­ar­stjórn­ar­kosn­inga. Nú legg­ur hann fram bók­an­ir þar sem meiri­hlut­inn er gagn­rýnd­ur fyr­ir að „hunsa mála­flokk­inn“.
Hagsmunatengsl borgarfulltrúa: Eyþór enn í stjórnum fimm félaga
ÚttektBorgarstjórnarkosningar 2018

Hags­muna­tengsl borg­ar­full­trúa: Ey­þór enn í stjórn­um fimm fé­laga

Ey­þór Arn­alds sit­ur enn í stjórn­um fimm fé­laga og eru tvö þeirra eign­ar­halds­fé­lög með rúm­an einn og hálf­an millj­arð í eign­ir. Hann lof­aði að skilja sig frá við­skipta­líf­inu þeg­ar hann vann leið­toga­próf­kjör Sjálf­stæð­is­flokks­ins í janú­ar. Odd­viti Við­reisn­ar og fleiri ný­ir borg­ar­full­trú­ar sitja í stjórn­um fé­laga.
Dagur áfram borgarstjóri í nýjum meirihluta
FréttirBorgarstjórnarkosningar 2018

Dag­ur áfram borg­ar­stjóri í nýj­um meiri­hluta

Full­trú­ar Við­reisn­ar verða formað­ur borg­ar­ráðs og for­seti borg­ar­stjórn­ar. Nýr meiri­hluti Sam­fylk­ing­ar, Við­reisn­ar, Vinstri grænna og Pírata var kynnt­ur við Breið­holts­laug í dag. Líf Magneu­dótt­ir, odd­viti Vinstri grænna, raul­aði „Im­per­ial March“, stef Darth Vader úr Star Wars mynd­un­um og upp­skar mik­inn hlát­ur við­staddra.

Mest lesið

Mest lesið

Mest lesið í vikunni

„Á ekki möguleika á að fá réttláta málsmeðferð“
3
Fréttir

„Á ekki mögu­leika á að fá rétt­láta máls­með­ferð“

Nauðg­un­ar­kær­an var felld nið­ur, en um­boðs­mað­ur Al­þing­is tek­ur und­ir að­finnsl­ur við rann­sókn lög­reglu, varð­andi at­riði sem hefðu getað skipt máli við sönn­un­ar­mat. Eft­ir at­hug­un á máli Guðnýj­ar S. Bjarna­dótt­ur sendi um­boðs­mað­ur Al­þing­is einnig rík­is­sak­sókn­ara ábend­ingu varð­andi varð­veislu gagna í saka­mál­um og árétt­aði mik­il­vægi þess að ákær­andi hafi öll gögn und­ir hönd­um þeg­ar hann tek­ur af­stöðu.

Mest lesið í mánuðinum

Forsprakki útifundar játaði fjárdrátt á leikskólanum Klettaborg
1
Fréttir

Forsprakki úti­fund­ar ját­aði fjár­drátt á leik­skól­an­um Kletta­borg

Sig­fús Að­al­steins­son, stofn­andi hóps­ins Ís­land - þvert á flokka, sem stend­ur fyr­ir úti­fund­um um hæl­is­leit­end­ur, ját­aði á sig fjár­drátt frá leik­skól­an­um Kletta­borg þeg­ar hann var for­stöðu­mað­ur þar. Hann vill ekki dæma hvort brot af því tagi séu nógu al­var­leg til að inn­flytj­end­ur sem gerð­ust sek­ir um þau ætti að senda úr landi.
Einhverfir á vinnumarkaði: Starfsmannaskemmtanir bara ólaunuð yfirvinna
5
Úttekt

Ein­hverf­ir á vinnu­mark­aði: Starfs­manna­skemmt­an­ir bara ólaun­uð yf­ir­vinna

Í at­vinnu­aug­lýs­ing­um er gjarn­an kraf­ist mik­illa sam­skipta­hæfi­leika, jafn­vel í störf­um þar sem þess ekki er þörf. Þetta get­ur úti­lok­að fólk, til að mynda ein­hverfa, sem búa yf­ir öðr­um mik­il­væg­um styrk­leik­um. Bjarney L. Bjarna­dótt­ir gerði tíma­mót­a­rann­sókn á þessu og legg­ur áherslu á að at­vinnu­rek­end­ur efli fötl­un­ar­sjálfs­traust.
Drengir kvörtuðu undan kennara og var meinað að sitja kennslustundir
6
Úttekt

Dreng­ir kvört­uðu und­an kenn­ara og var mein­að að sitja kennslu­stund­ir

Tólf ára gaml­ir dreng­ir leit­uðu til skóla­stjóra vegna meints of­beld­is af hálfu kenn­ara. Í kjöl­far­ið var þeim mein­að að sitja kennslu­stund­ir hjá kenn­ar­an­um. Ann­ar baðst af­sök­un­ar eft­ir tvær vik­ur og fékk þá að koma aft­ur í tíma. Hinn sætti út­skúf­un í tvo mán­uði, áð­ur en skól­an­um var gert að taka dreng­inn aft­ur inn í tíma. For­eldr­ar drengs­ins segja kerf­ið hafa brugð­ist barn­inu og leit­uðu að lok­um til lög­reglu.

Mest lesið í mánuðinum

Nýtt efni

Mest lesið undanfarið ár