Umdeildar kosningaauglýsingar Sjálfstæðisflokksins utan á ráðhúsi Mosfellsbæjar

Sjálf­stæð­is­flokk­ur­inn í Mos­fellsbæ er með fram­boðs­aug­lýs­ingar fyrir kom­andi sveit­ar­stjórn­ar­kosn­ingar utan á jarð­hæð ráð­húss­ins í sveit­ar­fé­lag­inu. Flokk­ur­inn er með kosn­inga­skrif­stofu á öðrum enda jarð­hæð­ar­innar. Bæj­ar­stjórn­ar­húsið, sem gengur undir nafn­inu Kjarninn, er hins vegar ekki alop­in­ber bygg­ing heldur hálf­op­in­ber þar sem nokkrir einka­að­ilar eiga húsið en ekki sveit­ar­fé­lagið, sem leigir bara skrif­stofur þar undir stjórn­sýslu sveit­ar­fé­lags­ins. Þannig á Mos­fells­bær til dæmis ekki jarð­hæð­ina þar sem Sjálf­stæð­is­flokk­ur­inn er með kosn­inga­skrif­stof­una sína og þar sem aug­lýs­ing­arnar eru utan á bygg­ing­unni. 

Þótt húsið sé sann­ar­lega ráð­hús, eða bæj­ar­stjórn­ar­hús, Mos­fells­bæjar leigir bær­inn bara hluta þess. Aug­lýs­ingar Sjálf­stæð­is­flokks­ins hanga því heldur ekki á rými sem sveit­ar­fé­lagið á eða rými sem sveit­ar­fé­lagið leigir. Tekið skal fram að aðrir stjórn­mála­flokkar, eins og Vinstri grænir og Fram­sókn­ar­flokk­ur­inn, hafa einnig birt kosn­inga­aug­lýs­ingar á sama stað fyrir sveit­ar­stjórn­ar­kosn­ingar í gegnum tíð­ina. Munurinn er hins vegar sá að Sjálf­stæð­is­flokk­ur­inn er í meiri­hluta í sveit­ar­fé­lag­inu og stýrir því úr ráð­hús­inu þar sem aug­lýs­ing­arnar …