Gagnrýnir ummæli ráðherra um „tvær hliðar á öllum málum“

Ásmundur Einar Daðason félags­mála­ráð­herra segir mik­il­vægt að menn kynni sér mál Braga Guð­brands­sonar og afskipti hans af við­kvæmu barna­vernd­ar­máli í Hafn­ar­firði út frá öllum hliðum.

„Það er ekk­ert svart eða hvítt í þessu, það er það sem ég tel að sé mjög mik­il­vægt. Það er mjög auð­velt að sitja hvort sem er í stuttum spjall­þáttum eins og þessum, eða að setja fram á prenti mjög ein­hliða mál í þessum barna­vernd­ar­málum almennt,“ sagði ráð­herra í Kast­ljósi í gær og bætti við: „Þetta er eitt dæmi um það. Þess vegna er svo mik­il­vægt að menn kynni sér málið út frá öllum hliðum og öllum upp­lýs­ingum sem þar liggja að baki og nið­ur­stöðum ráðu­neyt­is­ins sem þarna búa að baki. Hann hafi ekki gerst brot­legur í störfum, ég vil alla­vega trúa því að þær séu réttar.“

Þór­hildur Sunna Ævars­dóttir, þing­kona Pírata, gagn­rýnir Ásmund harð­lega á Facebook og vísar til frum­gagna sem Stundin birti í gær. Gögnin sýna að Bragi beitti sér fyrir því að faðir fengi að umgang­ast dætur sínar þrátt fyrir grun­semdir barna­vernd­ar­nefndar og með­ferð­ar­að­ila um að hann hefði mis­notað þær kyn­ferð­is­lega. Um leið og Bragi setti þrýst­ing á starfs­mann barna­vernd­ar­nefndar Hafn­ar­fjarðar átti hann ítrekuð sam­skipti við föður máls­að­il­ans, en um sama leyti gleymd­ist til­vís­un­ar­bréf vegna meintra kyn­ferð­is­brota í póst­hólfi Barna­húss auk þess sem Bragi segir tölvu­kerfi þess hafa bilað. 

„Ásmundur Einar svarar því til í Kastljós, aðspurður hvað honum finn­ist um að Bragi Guð­brands­son hafi hlut­ast til í barna­vernd­ar­máli til þess að koma því til leiðar að maður sem grun­aður er um að hafa mis­notað barn­ungar dætur sínar fengi að hitta þær, að „það séu tvær hliðar á öllum málum“ og að „ekk­ert í svona málum er svart og hvítt“,“ skrifar Þór­hildur Sunna á Facebook. „Ég veit að Ásmundi hlýtur að vera kunn­ugt um gögnin sem Stundin birti í dag umfjöllun sinni til stuðn­ings. Gögnin sem sýna fram á þessi afskipti. Hvað er óljóst við þetta? Hvaða hlið sér Ásmundur á þessu máli aðra en þá aug­ljósu? Hvers konar svör eru þetta frá ráð­herra barna­vernd­ar­mála sem ávalt skal leyfa börnum að njóta vafans?“