Nokkrir forsetaframbjóðendur hafa orðið fyrir barðinu á samsæriskenningasmiðum á samfélagsmiðlum að undanförnu – sérstaklega konurnar tvær sem mælast með mest fylgi: Halla Hrund Logadóttir og Katrín Jakobsdóttir. Fyrri tengsl kvennanna við Alþjóðaefnahagsráðið (World Economic Forum) hafa verið gerð tortryggileg með samsæriskenningu um áform ráðsins um heimsyfirráð. Sú kenning á ekki við nein rök að styðjast, segir Hulda Þórisdóttir, prófessor við stjórnmálafræðideild Háskóla Íslands.

Ef vel er að gáð hafa allir sex frambjóðendurnir sem mælast fylgismestir verið flæktir inn í órökstuddar samsæriskenningar af hinum og þessum netverjum.

Hulda telur ekki að samsæriskenningar séu útbreiddar en að þær hafi sannarlega látið á sér kræla. Þá er gjarnan einungis ýjað að því að fólkið sé á mála hjá alþjóðastofnunum, sé einhvers konar handbendi þeirra en engin ætluð niðurstaða þess dregin fram.  

Um …