„Lýsing Kristrúnar er ekki nákvæm,“ segir Bergþór Ólafsson, þingflokksformaður Miðflokksins spurður beint út í lýsingar Kristrúnar Frostadóttur, forsætisráðherra um að minnihlutinn hafi farið fram á að ríkisstjórnin tæki upp frumvarp minnihlutans og legði fram í sínu nafni. Hann nefndi einnig að honum þætti þingflokksformaður Samfylkingarinnar, Guðmundur Ari Sigurjónsson og Þorgerður Katrín Gunnarsdóttir formann Viðreisnar, hefðu farið óvarlega í frásögnum af þessum atviki, en bæði lýsa því á sama veg og Kristrún, en Þorgerður bætir í og segir umrætt frumvarp hafa verið samið af Samtökum sjávarútvegsfyrirtækja að sínu mati. Bergþór sagðist ekki vilja stíga frekar inn í þá umræðu, þá ekki síst vegna þess að hún væri bundin miklum trúnaði þegar kæmi að fundum þingflokksformanna, en þeir hafa funda vikum saman til þess að ná samningum um þinglok og mun tilboðið hafa verið sett fram á slíkum fundi. Formaður Framsóknarflokksins, þvertekur fyrir að þetta hafi verið rætt á fundi formanna flokkanna …