„Það verður allt að vera af heilum hug og hjarta og maður má ekki gera neitt með hang­andi hendi. Þetta er allt að kom­ast í ein­hvers konar fókus hjá mér og mér þykir vænt um það. Mig langar mest til að drep­ast á ein­hverjum hápunkti,“ segir mynd­list­ar­mað­ur­inn Jóhann Eyfells, sem er að verða 95 ára gam­all í júní og býr einn á jörð í útjaðri smá­bæj­ar­ins Fredricksburg í suð­ur­hluta Texas-ríkis í Banda­ríkj­unum.

Jóhann flutti ungur að árum til Banda­ríkj­anna til að stunda nám í arki­tektúr og hefur hann búið þar síðan, mest­megnis í Orlando og svo í Texas síð­ast­liðin 16 ár. Þótt Jóhann nálgist 100 árin þá telur hann að fer­ill hans sem mynd­list­ar­manns sé rétt að byrja og hann heldur áfram að vinna eins mikið og hann getur. „Ég er fyrst að koma mér á skrið núna sem 95 ára gam­all karl. Ég er að byrja að koma mér …