„Missagnir“ dóms­mála­ráðu­neyt­is­ins í bréfi til þing­manns um mál er vörð­uðu upp­reist æru kyn­ferð­is­brota­manna og sjón­ar­mið umboðs­manns Alþingis um skrán­ing­ar­skyldu ráð­herra eru á meðal ástæðna þess að umboðs­maður fór fram á að dóms­mála­ráðu­neytið afhenti honum gögn um und­ir­bún­ing og ákvarð­ana­töku ráð­herra við skipun Lands­rétt­ar­dóm­ara áður en hann kom á fund stjórn­skip­unar- og eft­ir­lits­nefndar um emb­ætt­is­færslur Sigríðar Andersen dóms­mála­ráð­herra þann 18. jan­úar síð­ast­lið­inn.

Þetta má lesa út úr bréfi umboðs­manns til stjórn­skip­unar- og eft­ir­lits­nefndar sem emb­ættið birti í gær­morgun. Þar greinir umboðs­maður frá því að hann telji allar helstu upp­lýs­ingar um emb­ætt­is­færslur ráð­herra í Lands­rétt­ar­mál­inu liggja fyrir í dómum Hér­aðs­dóms Reykja­víkur og Hæsta­réttar og því ekki ástæðu til að hefja frum­kvæð­is­rann­sókn á mál­inu.

Athygli vekur að í bréf­inu minn­ist umboðs­maður sér­stak­lega á „missagnir“ ráðu­neyt­is­ins í öðru ótengdu máli. Stundin fjall­aði um þessar „missagnir“ þann 12. jan­úar síð­ast­lið­inn og greindi frá því að umboðs­maður Alþingis hefði farið fram á að dóms­mála­ráðu­neytið leið­rétti vill­andi upp­lýs­ingar sem gefnar voru í svari við upp­lýs­inga­beiðni Þór­hildar Sunnu Ævars­dóttur, þing­konu Pírata, þann 5. des­em­ber 2017. 

Í svari ráðu­neyt­is­ins við upp­lýs­inga­beiðni Þór­hildar var rang­lega gefið í skyn að umboðs­maður Alþingis hefði lagt blessun sína yfir það hátt­erni ráðu­neyt­is­ins að skrá ekki sím­tal sem Sigríður Andersen dóms­mála­ráð­herra sagð­ist hafa átt við Bjarna Bene­dikts­son, þáver­andi for­sæt­is­ráð­herra, þegar Bjarni var upp­lýstur um að faðir hans, Benedikt Sveins­son, hefði veitt kyn­ferð­is­brota­mann­inum Hjalta Sig­ur­jóni Hauks­syni með­mæli vegna umsóknar hans um upp­reist æru árið 2016. Hið rétta er að Tryggvi Gunn­ars­son, umboðs­maður Alþingis, lýsti því sjón­ar­miði á fundi stjórn­skip­unar- og eft­ir­lits­nefndar þann 21. sept­em­ber að sam­kvæmt lögum og reglum hefði ráð­herra átt að skrá umrætt sím­tal.

Mynd: Pressphotos

Ráðu­neytið sendi Þórhildi Sunnu bréf skömmu fyrir jól og baðst vel­virð­ingar á óná­kvæmum svörum eftir að umboðs­maður hafði sam­band við ráðu­neytið og benti á að fram­setn­ing í fyrra bréfi þess væri til þess fallin að valda mis­skiln­ingi. 

Um þetta segir í bréfi umboðs­manns sem birt­ist í gær: „Ég ték hér líka fram að ég taldi rétt að kynna mér þau gögn sem orðið hefðu til við und­ir­bún­ing og töku þeirra ákvarð­ana sem fjalla átti um á nefnd­ar­fund­inum [skipun dóm­ara við Lands­rétt]. Var það m.a. í ljósi þeirra mis­sagna sem komið höfðu fram í bréfi dóms­mála­ráðu­neyt­is­ins til þing­manns, dags. 5. des­em­ber 2017, um það sem ég hafði sagt á fundi stjórn­skip­unar- og eft­ir­lits­nefndar Alþingis 21. sept­em­ber það ár um annað mál og byggði á því sem ég taldi mig hafa fengið upp­lýst um ástæður til­tek­inna athafna ráð­herra.“

Þarna vísar hann til sím­tals Sigríðar og Bjarna og sjón­ar­miða sinna um skrán­ing­ar­skyldu dóms­mála­ráð­herra út frá því sem hann „taldi“ sig hafa fengið upp­lýst um ástæður sím­tals­ins sem engin skrif­leg gögn eru þó til um.