Eigandinn í kosningaham á forsíðu Morgunblaðsins

Eyþór Arnalds, fram­bjóð­andi í leið­toga­próf­kjöri Sjálf­stæð­is­flokks­ins í Reykja­vík og stærsti ein­staki hlut­hafi Morg­un­blaðs­ins, kemur fyrir á for­síðu blaðs­ins í dag. Tilefnið er grein eftir Eyþór inni í blað­inu þar sem fram­bjóð­and­inn kynnir kosn­inga­mál sín, gagn­rýnir núver­andi borg­ar­stjórn­ar­meiri­hluta fyrir að „þrengja að fjöl­skyldu­bílnum“ og varar við áformum um Borg­ar­línu. Í Stak­steinum Morg­un­blaðs­ins er Borg­ar­lína jafn­framt gagn­rýnd á sams konar grund­velli og fundið að því að verið sé að „þrengja að eft­ir­læt­is­ferða­máta borg­ar­búa“. 

Mynd: Af vef Reykja­vík­ur­borgar

„Í stað Borg­ar­línu væri skyn­sam­legra að bæta merk­ingar og nota þá tækni sem verður brátt í öllum bílum: Snjall­símar á hjólum. Borg­ar­net bíla þar sem fólk kemst á hag­stæðan hátt alla leið heim til sín. Reykja­vík á að vera í far­ar­broddi að inn­leiða þær tækni­lausnir sem eru að ryðja sér til rúms um þessar mundir en ekki fara af stað með 19. aldar hug­mynd um línu­legar sam­göngur,“ skrifar Eyþór sem jafn­framt kallar eftir því að samn­ingi við ríkið, „þar sem ákveðið var að 1 millj­arður á ári sem hefði ann­ars farið í nauð­syn­legar fram­kvæmdir á stofn­brautum í Reykja­vík rynn[i] til Strætó“, verði sagt upp.

Eyþór er í dag stærsti ein­staki hlut­hafi Morg­un­blaðs­ins, með um 23 pró­senta hlut í gegnum félagið Ramses II. Á for­síðu Morg­un­blaðs­ins í dag má sjá mynd af Eyþóri og til­vitnun í grein eftir hann sem birt­ist í blað­inu.

Þegar Stundin ræddi við Eyþór á dög­unum tók hann skýrt fram að hann skipti sér ekki á nokkurn hátt af rit­stjórn Morg­un­blaðs­ins. „Ég hef enga aðkomu að til dæmis rit­stjórn Morg­un­blaðs­ins, bara svo það sé sagt hreint út,“ sagði hann. Miklir kær­leikar eru með Eyþóri og Davíð Oddssyni, rit­stjóra Morg­un­blaðs­ins og fyrr­ver­andi for­manni Sjálf­stæð­is­flokks­ins. Þegar Davíð bauð sig fram til for­seta árið 2016 tók Eyþór virkan þátt í kosn­inga­bar­átt­unni. Að sama skapi hefur Davíð farið lof­sam­legum orðum um Eyþór; til að mynda bölv­aði hann því í leið­ara árið 2014 að Eyþór hefði ekki gefið kost á sér í bæj­ar­stjórn­ar­kosn­ingum. „Það er skaði. Raunar gætu sjálf­stæð­is­menn í Reykja­vík heldur betur grætt á því að fá mann eins og Eyþór Arnalds í for­ystu­hlut­verk þar,“ sagði í leið­ara Morg­un­blaðs­ins.