Ríkisfyrirtækið Isavia telur ólöglegt að birta gögn um útboð

„Það er ekki hægt að segja til um tím­ann á þess­ari stundu því Isavia óskaði eftir frestun rétt­ar­á­hrifa til þess að unnt sé að bera þetta mál undir dóm­stóla,“ segir í svari frá Guðna Sig­urðs­syni, upp­lýs­inga­full­trúa Isavia, þegar hann er spurður um nýlegan úrskurð úrskurð­ar­nefndar um upp­lýs­inga­mál þar sem nefndin kemst að þeirri nið­ur­stöðu að Isavia þurfi að afhenda fyr­ir­tæk­inu Kaffi­tári gögn um útboð á versl­un­ar­hús­næði í Leifs­stöð árið 2014. Stundin spurði Isavia hvenær fyr­ir­tækið ætl­aði að afhenda Kaffi­tári gögnin. Isavia hafði áður veitt Kaffi­tári aðgang að gögnum um útboðið en strik­aði þá yfir upp­lýs­ingar sem fyr­ir­tæk­inu þótti við­kvæmar. 

Í sam­tali við Stundina sagði Aðal­heiður Héð­ins­dóttir, eig­andi og fram­kvæmda­stjóri Kaffi­társ, að hún teldi að Isavia væri með þessu að reyna að þæfa málið sem snýst um það að Kaffitár telur að brotið hafi verið gegn fyr­ir­tæk­inu þegar fyr­ir­tæk­inu var synjað um versl­un­ar­hús­næði í Leifs­stöð árið 2014. Í stað Kaffi­társ …