Gróa, Fever Dream, Hórmónar

Hvar? Kex hostel
Hvenær? 25. nóvember kl. 20.00
Aðgangseyrir: Ókeypis.

Strax eftir Ljósagöngu UN Women blása þrjár hljómsveitir til heljarinnar tónleika þar sem konur taka pláss og hafa hátt. Ungu rokkararnir í Gróu hefja tónleikana, en hljómsveitin komst á úrslitakvöld Músíktilrauna í ár. Fyrrum Reykjavíkurdóttirin og skáldið Vigdís Howser flytur drungarega rapp sitt sem Fever Dream, og pönkararnir í Hórmónum trylla síðan lýðinn.

Drag-Súgur

Hvar: Gaukurinn
Hvenær? 24. nóvember kl. 21.00
Aðgangseyrir: 2.500 kr.

Dragdrottningarnar (og konungarnir) í kabaretthópnum Drag-Súgur halda upp á tveggja ára afmæli sitt með þessari stórstjörnusýningu. Búast má við gríni og glensi, metnaðarfullum tilþrifum sem RPDR mætti taka sér til fyrirmyndar, og gordjöss dans- og söngatriðum.

Cell7, Hildur, Two Toucans

Mynd: Iona Sjöfn

Hvar? Húrra
Hvenær? 24. nóvember kl. 21.00

Kyngimagnaði rapparinn Cell7 hefur snúið aftur í sviðsljósið eftir nokkurra ára fjarveru og það með fullt af nýju efni. Hún gaf nýlega út haustsmellinn „City Lights“ sem einkennist af dúndrandi flæði og góðum töktum, og búast má við meira slíku efni á þessum tónleikum. Draumkenndu rappararnir Two Toucans og popparinn Hildur hita upp.

Í hlutarins eðli – skissa að íslenskri samtímalistasögu [1.0]

Hvar? Hafnarhúsið
Hvenær? 25. nóvember–1. maí
Aðgangseyrir: 1.600 kr.

Á þessari sýningu er að finna verk 14 listamanna og -kvenna sem eru í eigu safnsins, en þau eiga það öll sameiginlegt að fjalla um efnisheiminn með einum eða öðrum hætti. Sýningunni er stillt upp á þann hátt að hún varpar ljósi á stefnur og strauma í íslenskri samtímalistasögu á 21. öld; til að kanna viðfangsefni, aðferðir, efni og áskoranir sem eru ríkjandi.

Berlín - Reykjavík - Damaskus

Hvar? Gaukurinn
Hvenær? 25. nóvember kl. 21.00
Aðgangseyrir: 1.000 kr.

The Syria Connect Project tengir saman mismunandi listir og menningarheima í þeim tilgangi að skapa samkennd milli fólks óháð staðsetningu. Á þessu kvöldi munu grínistar eins og Darren Foreman og tónlistarfólk eins og Blaz Roca koma fram á Íslandi á sama tíma og hliðstæðum viðburðum í Berlín og Damaskus verður streymt í beinni. Allur ágóði fer í hjálparstarf á Sýrlandi.

Kathy Griffin

Hvar? Harpa
Hvenær? 29. nóvember kl. 20.00
Aðgangseyrir: Frá 5.990 kr.

Grínistinn Kathy Griffin er á heimstúr sem byrjaði í Nýja-Sjálandi, en hún staldrar við á Íslandi og kemur fram á Hörpu. Griffin hefur verið virkur uppistandari frá 1980 og meðal annars unnið Grammy-verðlaun og tvö Emmy-verðlaun. Túrinn kallast „Laugh Your Head Off“, en miðað við fyrri frammistöður Griffins má áætla að áhorfendur muni einmitt gera slíkt hið sama.

SOL

Hvar? Tjarnarbíó
Hvenær? 1. desember kl. 20.30
Aðgangseyrir: 3.900 kr.

Leikritið SOL byggir á raunverulegri ástarsögu úr samtímanum, en hún fjallar um Davíð sem býr í tveimur aðskildum heimum. Í raunheiminum er hann algjör einfari, á meðan í hinum stafræna heimi er hann félagsvera án vandamála, en þar getur hann líka verið í kringum sýndarveruna SOL. En eru tilfinningar hans í hinum stafræna heimi raunverulegar?

Jólatónleikar KK og Ellen

Hvar? Fríkirkjan
Hvenær? 3. desember kl. 20.00
Aðgangseyrir: 6.990 kr.

Þjóðargersemarnar KK og Ellen gáfu út jólaplötuna „Jólin eru að koma“ fyrir 12 árum og hafa spilað efni af henni víðs vegar síðan þá. Búast má við að heyra alla slagarana á þessum innilegu jólatónleikum, en þau koma fram með hljómsveit. Þetta eru fyrstu jólatónleikar þeirra þetta árið.