1984

Hvar? Borgarleikhúsinu
Hvenær? 15. september–4. október kl. 20.00
Aðgangseyrir: 6.250 kr.

Úr skugga seinni heimsstyrjaldarinnar skrifaði George Orwell dýstópíska meistaraverkið 1948 sem fjallar meðal annars um skaðsemi áróðurs og mikilvægi gagnrýninnar hugsunar. Sýningin býður í senn upp á nútímalega upprifjun á þessu tímamótaverki og áminningu á hversu nálægt raunveruleiki okkar er kominn þessari ímynduðu hryllingssýn Orwells.

Rappveisla

Hvar? Húrra
Hvenær? 22. september
Aðgangseyrir: 1.500 kr.

Overground Entertainment blæs til heljarinnar hip-hop og rappveislu þar sem sjá má kanónur eins og Bent úr XXX Rottweiler hundum spila með nýrri stjörnum eins og Ella Grill úr Shades of Reykjavík. Einnig spila Geimfarar, ARKIR, og Bróðir BIG. BRR þeytir skífum á milli atriða.

RIFF

Hvar? Háskólabíói
Hvenær? 28. september–8. óktóber
Aðgangseyrir: 14.900 kr.

Alþjóðlega kvikmyndahátíð Reykjavíkur, RIFF verður haldin í 14. skiptið og verða rúmlega 100 stutt-, heimildar- og kvikmyndir sýndar í ár, bæði íslenskar og erlendar. Hátíðin býður þar að auki vel völdum heiðursgestum til að halda fyrirlestra á hverju ári, en í ár eru gestirnir Olivier Assayas, Valeska Grisebach og Werner Herzog.

Teitur Magnússon og Indriði

Hvar? Húrra
Hvenær? 28. september kl. 21.00
Aðgangseyrir: 2.000 kr.

Teitur var þekktur fyrir að vera meðlimur í reggí-hljómsveitinni Ojba Rasta, og Indriði í pönksveitinni Muck, en á síðustu árum hafa þeir báðir starfað sem sólólistamenn sem aðhyllast ljúfa sækadelíska indí-hljóma. Þeir spila bæði saman og hvor í sínu lagi á þessum tónleikum.

Sóley

Hvar? Mengi
Hvenær? 29. september kl. 21.00
Aðgangseyrir: 2.500 kr.

Síðastliðin 11 ár hefur Sóley Stefánsdóttir verið ómissandi hluti af dægurlagamenningu Íslands, en um þessar mundir er hún að vinna að nýju verki fyrir harmónikku og rödd sem hún kynnir til sögunnar á þessum innilegu tónleikum. Sóley mun einnig flytja lög af Krómantík, smáskífu með litlum píanóverkum sem kom út árið 2014.

Raust !

Hvar? The Tin Can Factory, Borgartúni 1 
Hvenær? 30. september–1. október
Aðgangseyrir: Frjáls framlög.

Róttæku félagssamtökin Andrými halda hausthátíð sem samanstendur af vinnustofum sem fjalla um fjöldahreyfingar á Íslandi, vinnustaðaréttindi, flóttamenn og fleiri viðfangsefni. Síðan verður gestum boðinn matur, og hljómsveitirnar Captain Syrup, Dead Herring, og Korter í flog halda tónleika.

Kiasmos útgáfutónleikar

Hvar? Húrra
Hvenær? 30. september kl. 21:00
Aðgangseyrir: 2.500 kr.

Félagarnir Ólafur Arnalds og Janus Rasmussen, sem skipa raftónlistardúettinn Kiasmos, bjóða upp á útgáfutónleika fyrir smáskífu sína Blurred, en hún kemur út 6. október. Þetta er ekki í fyrsta skiptið sem tvíeykið spilar á Húrra, en allir síðustu tónleikarnir hafa verið troðfullir og mælum við með því að gestir tryggi sér miða með góðum fyrirvara.

LA / Reykjavík

Hvar? Harpa 
Hvenær? 3.–12. september
Aðgangseyrir: frá 16.160 kr.

Fyrr í vor hélt Fílharmóníuhljómsveitin í Los Angeles umfangsmikla hátíð tileinkaða íslenskri tónlist, og efnir Sinfóníuhljómsveit Íslands því til svipaðra hátíðar í Hörpu tileinkaðri tónlist frá Los Angeles. Má heyra meðal annars tónlist John Adams, Andrew Normans og tónlist úr vinsælum kvikmyndum úr Hollywood.