Forsætisráðherra Bretlands, Keir Starmer, hefur beðist formlegrar afsökunar fyrir hönd breska ríkisins vegna hlutverks stjórnvalda í svokölluðum nauðungarættleiðingum á Englandi og í Wales á árunum eftir síðari heimsstyrjöld.

Í umfjöllun BBC um málið kemur fram að um 185 þúsund börn hafi verið tekin frá mæðrum sínum á fimmta, sjötta og sjöunda áratug síðustu aldar. Þúsundir kvenna voru þá beittar þrýstingi til að láta börn sín af hendi til ættleiðingar vegna þess að þær voru ógiftar og urðu fyrir miklum félagslegum fordómum.

Í yfirlýsingu á breska þinginu sagði Starmer að það sem hefði komið fyrir „tugi þúsunda mæðra, barna og fjölskyldna“ væri „blettur á sögu okkar“.

„Skömmin er ekki ykkar. Hún var aldrei ykkar. Skömmin er okkar,“ sagði forsætisráðherrann.

Áralöng barátta að baki afsökunarbeiðninni

Afsökunarbeiðnin kemur í kjölfar margra ára baráttu mæðra, ættleiddra barna og fjölskyldna þeirra fyrir opinberri viðurkenningu á því sem átti sér stað. Fyrir yfirlýsingu Starmers áttu …