Kappræður Heimildarinnar fyrir borgarstjórnarkosningar fara fram í Tjarnarbíói þriðjudaginn 12. maí klukkan 20.00. Kappræðurnar, sem bera yfirskriftina Pressa í borginni, standa í 90 mínútur og verða opnar áhorfendum í sal.

Fyrir svörum sitja oddvitar þeirra flokka sem eru í framboði til borgarstjórnar og mælast með að minnsta kosti 1,5 prósenta fylgi í könnunum síðustu fjögurra vikna. Aðalsteinn Kjartansson, blaðamaður Heimildarinnar, stýrir umræðunum.

Miðasala á kappræðurnar er hafin á TIX. Áskrifendur Heimildarinnar njóta afsláttarkjara á miðum og fá sendar leiðbeiningar um hvernig nýta megi afsláttinn. 

Kappræðunum verður streymt í beinni útsendingu sem verður opin öllum í boði Hringdu. Framboðum er heimilt að nýta myndefni úr kappræðunum, að því gefnu að uppruna sé getið og vísað sé á upptökuna af fundinum.

• Hvenær: 12. maí klukkan 20.00–21.30
• Húsið opnar: 19.00
• Hvar: Tjarnarbíó, Tjarnargötu 12, 101 Reykjavík
• Miðasala: Hafin á TIX.is
• Streymi: Opið öllum í beinni útsendingu í boði Hringdu

Kappræðurnar eru liður í umfjöllun Heimildarinnar um borgarstjórnarkosningarnar og eiga að gefa kjósendum skýra mynd af áherslum framboðanna, ágreiningsmálum og þeim valkostum sem standa til boða í Reykjavík.