Hvalveiðiskipin Hvalur 8 og Hvalur 9 eru ekki með gild haffærisskírteini samkvæmt upplýsingum frá Samgöngustofu og hafa ekki verið um nokkurt skeið. Síðast voru skipin með gild haffærisskírteini í júní 2024 – Hvals 8 rann út 19. júní 2024 en Hvals 9 þann 12. júní.

Það er Samgöngustofa sem gefur skírteinin út en öll skip sem leggja úr höfn þurfa að hafa gild haffærisskírteini. Eins og staðan er geta skipin því ekki siglt á haf út og haldið til veiða, þegar ný hvalveiðivertíð hefst í vor, en skipin tvö eru þau sem nýtt hafa verið við veiðar síðustu ára.

„Útgáfa haffæriskírteinis felur í sér staðfestingu á að skip sé öruggt til siglinga og uppfylli gildandi öryggiskröfur. Það byggir á útgefnum skipspappírum og niðurstöðum nauðsynlegra skoðana sem skip þarf að undirgangast samkvæmt ákvæðum íslenskra laga og reglugerða,“ segir í svari Samgöngustofu til Heimildarinnar. 

Lengd ferlis velti á skoðunum

Ekki fengust svör …