Litlir neysluskammtar af fíkniefnum og sektir þeirra vegna koma ekki fram á sakavottorðum fólks. Undantekning er að ákært sé í slíkum málum, samkvæmt upplýsingum frá embætti Ríkissaksóknara og lögreglustjórans á Norðurlandi eystra.

Mannlíf greindi frá því nýverið að karlmaður á fimmtugsaldri á Akureyri hefði verið ákærður fyrir fíkniefnalagabrot fyrir að hafa haft 0,56 grömm af tóbaksblönduðu kannabisefni í vörslum sínum þegar lögregla hafði afskipti af honum þann 4. febrúar 2025 á dvalarstað hans.

Halldór Tumi Ólason aðstoðarsaksóknari og lögreglustjórinn á Norðurlandi eystra eru ákærendur í málinu og þess var krafist að ákærði yrði dæmdur til refsingar og til greiðslu alls sakarkostnaðar.

Miðað við fyrirmæli Ríkissaksóknara um lausn mála með sektargreiðslum má áætla að sekt fyrir vörslu 0,56 gramma af kannabis nemi almennt um 54 þúsund krónum.

„Ástæða þess að viðkomandi aðili var ákærður var sú að hann hafði ekki gengist undir að ljúka málinu með sátt og sektargreiðslu,“ segir …