Japanir sem lifðu af kjarnorkuárásirnar óttast að heimurinn stefni í átt að kjarnorkustríði nú þegar síðasti vopnaeftirlitssamningur Bandaríkjanna og Rússlands er runninn út.

Nýi START-samningurinn rann út á miðnætti í nótt, 5. febrúar, eftir að Donald Trump, forseti Bandaríkjanna, fylgdi ekki eftir tillögu Vladimirs Pútíns, starfsbróður síns í Rússlandi, um að framlengja takmarkanir á kjarnaoddum í samningnum um eitt ár.

Terumi Tanaka, annar formaður Nihon Hidankyo, samtaka þeirra sem lifðu af kjarnorkuárásir Bandaríkjanna á Hiroshima og Nagasaki árið 1945, sagði að heiminum hefði mistekist að sjá hversu brýnt málið væri.

Þessi friðarsinnuðu grasrótarsamtök hlutu friðarverðlaun Nóbels árið 2024.

„Miðað við núverandi ástand hef ég á tilfinningunni að innan ekki of langs tíma munum við í raun heyja kjarnorkustríð og stefna í átt að tortímingu,“ sagði Tanaka á blaðamannafundi sem haldinn var með öðrum japönskum baráttumönnum.

Hinn 93 ára gamli Tanaka sagðist óttast að borgarar kjarnorkuvopnaðra þjóða myndu ef til …