Franski spít­al­inn er sjálf­stætt fram­hald Reykja­víkur (2022) eftir glæpa­sagnatvíeykið Ragnar Jónasson og Katrínu Jak­obs­dóttur. Lesendur end­ur­nýja kynnin við Sunnu sem starfar nú sem blaða­maður á Morg­un­blað­inu eftir að hafa leyst ráð­gátu fyrri bók­ar­innar. Sunna hefur áhuga á að afhjúpa aðra stór­frétt en er þess í stað beðin um að fara austur á land að vinna greina­bálk um sjáv­ar­út­vegs- og sam­göngu­mál á lands­byggð­inni. Hún fer því til Fáskrúðs­fjarðar þar sem hún kynn­ist ýmsum per­sónum. Þar á meðal er sagn­fræð­ing­ur­inn Gísli sem er að skoða áhrif franskra sjó­manna á for­tíð stað­ar­ins. Það er svo Gísli sem til­kynnir Sunnu að Björn, rit­ari bæj­ar­stjór­ans, hafi fund­ist á franska spít­al­anum á Hafn­ar­nesi þar sem hann hafði fyr­ir­farið sér. Er það kveikjan að frek­ari rann­sóknum Sunnu fyrir austan.

Spítali sem er ekki spítali

Það er ekk­ert sem bendir til þess að um morð hafi verið að ræða en þó er Sunna full­viss um að …