Átök við hótel hælisleitenda

Lögregla í óeirða­bún­aði lenti í átökum við að minnsta kosti þús­und mmót­mæl­endur í suð­vest­ur­hluta Dyfl­innar í dag fyrir utan hótel fyrir hæl­is­leit­endur, í kjöl­far ásak­ana um að tíu ára stúlka hefði orðið fyrir kyn­ferð­is­of­beldi.

Stað­bundnir fjöl­miðlar greindu frá því að 26 ára gamli mað­ur­inn sem sak­aður er um að hafa ráð­ist á stúlk­una væri hæl­is­leit­andi og að atvikið hefði átt sér stað á lóð Citywest-hót­els­ins þar sem hæl­is­leit­endur dvelja í Saggart, suð­vestur af írsku höf­uð­borg­inni.

Mót­mæl­endur, sem báru írska fána og skilti með áletr­un­inni „Líf Íra skipta máli“ og köll­uðu „Burt með þá“, köst­uðu flöskum og flug­eldum að lög­reglu.

Kveikt var í lög­reglu­bíl og sá frétta­rit­ari AFP lög­reglu­menn ráð­ast að mót­mæl­endum og nota piparúða til að ýta þeim frá hót­el­inu.

Fyrr um dag­inn sagði Micheál Martin, for­sæt­is­ráð­herra Írlands, að atburð­irnir væru „afar alvar­legir og mjög, mjög grafal­var­legir“.

26 ára gam­all maður kom fyrir dóm á þriðju­dag, ákærður í tengslum við kyn­ferð­is­brotið, sem sagt er hafa átt sér stað á stað nálægt hót­el­inu.

Meint fórn­ar­lamb var í umsjá rík­is­ins þegar atvikið átti sér stað og stað­festi barna- og fjöl­skyldu­stofan Tusla að hún hefði „strokið“ í ferð til mið­borg­ar­innar og verið lýst eftir henni.

Í ræðu á þingi við­ur­kenndi Martin „áhyggjur, reiði og kvíða margra um allt land vegna þess sem sagt er hafa gerst hér“.

„Ljóst er að hér hefur orðið brestur á skyldu rík­is­ins til að vernda þetta barn,“ bætti for­sæt­is­ráð­herr­ann við.

Jim O'Callaghan, dóms­mála- og inn­flytj­enda­ráð­herra, „for­dæmdi“ óeirð­irnar í dag og vís­aði til þess sem kastað var að lög­reglu.

„Því miður er það ekki óvænt að fólk sem vill sá sundr­ungu í sam­fé­lagi okkar noti glæp sem vopn,“ sagði O'Callaghan í yfir­lýs­ingu.

Andúð gegn inn­flytj­endum hefur auk­ist á Írlandi og í Bret­landi á und­an­förnum árum og hafa hótel sem hýsa hæl­is­leit­endur oft orðið vett­vangur mót­mæla og ofbeld­is­fullra óeirða.

Í júní var ráð­ist á hótel og tugir lög­reglu­manna slös­uð­ust í óeirðum gegn inn­flytj­endum á Norður-Írlandi, eftir að tveir ung­lingar voru hand­teknir, sak­aðir um að hafa reynt að nauðga ungri stúlku í Ball­ymena.

Lögregla stað­festi ekki þjóð­erni hinna ákærðu, sem höfðu beðið um rúm­enskan túlk fyrir dómi, sem leiddi til þess sem yfir­völd lýstu sem „rasískum“ árásum óeirða­seggja á heim­ili og fyr­ir­tæki.