Hver kyn­slóð á skilið að upp­lifa Línu Langsokk upp á nýtt, sjálf­stæðu og öðru­vísi stelpuna sem lætur ekki full­orðna fólkið skipa sér fyrir en vill samt læra af reynsl­unni og verða betri mann­eskja. Laug­ar­dag­inn 13. sept­em­ber spratt hún aftur fram á leik­sviðið í Þjóð­leik­hús­inu undir leik­stjórn Agnesar Wild, átta­tíu árum eftir að Astrid Lindgren skap­aði þessa ákveðnu og sterku stelpu til að gleðja dóttur sína. 

Birta Sólveig Söring Þór­is­dóttir leikur Línu að þessu sinni og geislar af gef­andi orku. Þessi nýút­skrif­aða leik­kona setur leik­sýn­ing­una á herðar sér og skoppar með hana til leiksloka. Hún syngur, skott­ast, skutl­ast og skemmtir af miklum móð áhorf­endum til mik­illar kæti. Nágranna­börnin, Önnu og Tomma, eru líka leikin af nýliðum. Jakob van Oosterhout og Selma Rán Lima tóku bæði þátt í leik­sýn­ingum Þjóð­leik­húss­ins á síð­asta leik­ári, líkt og Birta Sólveig. Fátt er ánægju­legra en að sjá ungt lista­fólk taka fyrstu skrefin í atvinnu­leik­húsi og ekki …