„Þetta er stærsta breyt­ing á eft­ir­litsum­hverfi fyr­ir­tækja sem ráð­ist hefur verið í svo ára­tugum skiptir” segir Jóhann Páll Jóhanns­son umhverfis-, orku- og lofts­lags­ráð­herra. 

Jóhann Páll ásamt Hönnu Katrínu Frið­riks­son, atvinnu­vega­ráð­herra, kynntu í dag á sam­eig­in­legum fundi ráðu­neyt­anna áform um að gera  leyf­is­veit­ingar og eft­ir­lit með mat­vælum, holl­ustu­háttum og meng­un­ar­vörnum ein­fald­ara og skil­virkara auk þess að bæta þjón­ustu.

Samræmt eftirlit á landsvísu

Samkvæmt fyr­ir­hug­uðum breyt­ingum verður ábyrgð á eft­ir­liti með holl­ustu­háttum og meng­un­ar­vörnum færð frá heil­brigð­is­eft­ir­liti til Umhverfis- og orku­stofn­unar og ábyrgð á eft­ir­liti með mat­vælum fær­ist frá heil­brigð­is­eft­ir­liti til Mat­væla­stofn­unar. Þannig verða eft­ir­lits­að­ilar tveir í stað ell­efu

Jóhann Páll og Hanna Katrín lögðu áherslu á að mark­mið breyt­ing­anna væri ekki fækkun eða til­færsla opin­berra starfa milli lands­hluta. Þvert á móti verði lagt upp með að standa vörð um störfin á lands­byggð­inni og leit­ast við að tryggja að störfin hald­ist í heima­byggð. Eftirlit á lands­vísu verður sam­ræmt og þjón­usta þannig bætt til muna. Þá verður útgáfa starfs­leyfa mið­læg og á vegum fyrr­greindra stofn­ana.

Meginhvatinn einföldun og skilvirkni

Þau sögðu að meg­in­hvat­inn við fyr­ir­hug­aðar breyt­ingar sé að gera ferli vegna eft­ir­lits og leyf­is­veit­inga ein­fald­ara og skil­virkara og bæta þjón­ustu. Lengi hefur verið bent á að núver­andi fyr­ir­komu­lag sé flókið að upp­bygg­ingu, ábyrgð­ar­svið sé á tíðum óljóst, oft sé ósam­ræmi í aðferð­ar­fræði og erfitt fyrir þjón­ustu­þega að nálg­ast upp­lýs­ingar. Á und­an­förnum árum hafi fjöldi grein­inga og skýrslna varpað ljósi á að breyt­inga sé þörf.

„Við erum að ein­falda reglu­verkið og gera eft­ir­lit með mat­vælum, holl­ustu­háttum og meng­un­ar­vörnum traust­ara og skil­virkara með hags­muni atvinnu­lífs­ins og neyt­enda að leið­ar­ljósi” sagði Hanna Katrín.

Langur aðdragandi og áminning

Málið á sér langan aðdrag­anda og fram­kvæmd eft­ir­lits með mat­vælum hefur verið til skoð­unar í meira en ára­tug. ESA, Eft­ir­lits­stofnun EFTA, hefur í form­legu áminn­ing­ar­bréfi bent á að fyr­ir­komu­lag mat­væla­eft­ir­lits á Íslandi stand­ist ekki kröfur EES-samn­ings­ins. Helstu áhyggju­efni varða skort á sam­ræmi, skýrri ábyrgð og yfir­stjórn eft­ir­lits.

Áform ráð­herr­anna byggja meðal ann­ars á vinnu stýri­hóps sem skip­aður var full­trúum ráðu­neyt­anna, Sambands íslenskra sveit­ar­fé­laga, Samtaka heil­brigð­is­eft­ir­lits­svæða á Íslandi, Samtaka atvinnu­lífs­ins og inn­við­a­ráðu­neyt­is­ins. Þá sátu áheyrn­ar­full­trúar frá Mat­væla­stofnun og Umhverfis- og orku­stofnun einnig fundi hóps­ins og tóku virkan þátt í rýni. Áforma­skjal verður lagt fram í sam­ráðs­gátt síðar í þess­ari viku þar sem hægt er að senda inn umsagnir.

Skýrslu stýri­hóps­ins má lesa með því að smella hér.