Vísitala neysluverðs, sem mælir verðbreytingar á neysluvörum og þjónustu, mældist 657,6 stig í ágúst 2025 . Hún lækkaði um 0,15% frá fyrri mánuði. Vísitala neysluverðs án húsnæðis var 526,5 stig og lækkaði um 0,38% frá júlí. Þetta kemur fram í tilkynningu frá Hagstofu Íslands. 

Þróunin milli mánaða endurspeglar nokkuð skörp áhrif einstakra liða. Húsgögn og heimilisbúnaður hækkuðu um 6,6% og höfðu áhrif upp á 0,10% á vísitöluna. Lækkun á flugfargjöldum til útlanda sem drógust saman um 12,0% lækkuðu vísitöluna um 0,35%.

Mynd: Hagstofa Íslands

Sé horft til síðustu tólf mánaða hefur vísitala neysluverðs hækkað um 3,8%, sem jafngildir árlegri verðbólgu. Vísitala án húsnæðis hefur á sama tímabili hækkað um 2,8%. Þetta bendir til þess að húsnæðisliðurinn hafi áfram nokkuð mikil áhrif á þróun verðbólgu, líkt og verið hefur undanfarin ár.

Lítilsháttar lækkun vísitölunnar frá júlí til ágúst gefur þó vísbendingu um að þrýstingur á verðbólgu sé að minnka að hluta. Flugfargjöld og alþjóðleg þróun á flutnings- og ferðakostnaði virðast hér vega þungt, á meðan verð á innlendum vörum eins og húsgögnum heldur áfram að hækka.

Samkvæmt útreikningum Hagstofunnar gildir vísitala neysluverðs í ágúst, 657,6 stig, til verðtryggingar í október 2025.