Frjósemismiðstöðin Livio hefur áfrýjað dómi í máli Ingunnar Jónsdóttur, fyrrverandi starfsmanni Livio og stofnanda frjósemisstofunnar Sunnu, gegn fyrirtækinu. Þetta staðfestir Ingunn í samtali við Heimildina.

Hún vann nýverið mál gegn Livio í Héraðsdómi Reykjavíkur en Livio hélt því fram að Ing­unn hefði brot­ið gegn sam­keppn­is­höml­um eft­ir að hún lét af störf­um hjá fyr­ir­tæk­inu, og var fyrirtækinu gert að greiða henni alls tæpar 25 milljónir.

„Það er allt reynt til þess að ég fái ekki það sem mér ber. Það hefur allt mögulegt í bókinni verið reynt til þess að varna því að þessi hlutur minn komist til mín,“ segir hún.

Sjálf segist Ingunn vera orðin þreytt á því að þurfa að standa í stappi við Livio. „Þetta í rauninni kemur mér ekki á óvart. Mér finnst þetta algjörlega í takt við þeirra hegðun hingað til. Ég búin að vera að reyna að losna frá þessu fólki í sex ár. En …