Gæsluvarðhald yfir Margréti Löf var í dag framlengt um fjórar vikur, eða til 1. júlí. Samkvæmt tilkynningu frá Lögreglunni á höfuðborgarsvæðinu var það gert vegna almannahagsmuna. Gæsluvarðhald hennar hefur áður verið framlengt á grundvelli almannahagsmuna en þar áður var hún í varðhaldi vegna rannsóknarhagsmuna. 

Margrét var handtekin grunuð um að hafa banað föður sínum þann 11. apríl. Það eru því rúmar sjö vikur síðan hún var upphaflega úrskurðuð í gæsluvarðhald og verður það í rúmar 11 vikur samkvæmt þessum nýjasta úrskurði.

Heimildin greindi frá því lok apríl að Margrét neitaði sök en hafi þó gengist við atvikalýsingum að hluta. Þá hafi hún ennfremur sagt að hún hafi ekki verið nálægt föður sínum þegar hann dó.