Ég heiti Stina Edblom og kem frá Gauta­borg í Svíþjóð. Ég er stödd á Íslandi til þess að heim­sækja Lista­safn Árnes­inga í Hvera­gerði. Ég hef verið hér síðan á laug­ar­dag­inn og fer til Hvera­gerðis á morgun. En í dag ætla ég að skoða list og hitta lista­fólk. Núna er ég að labba um Reykja­vík og mér finnst þetta fal­leg borg. 

Ég er list­rænn stjórn­andi lista­safns­ins Art Inside Out sem er stað­sett í Halland-hér­aði í Svíþjóð. Við erum lista­stofnun fyrir lista­fólk á far­alds­fæti. Við erum að skoða mögu­leik­ann á alþjóð­legri sam­vinnu. 

Það hafði mikil áhrif á mig að fara til Suður-Afríku þegar ég var 21 árs gam­all háskóla­nemi. Þar var ég meira og minna í átta ár að vinna í list. Ég reyndi að svara spurn­ingum um lýð­ræði og vinna gegn kyn­þátta­for­dómum. Sú lífs­reynsla hafði áhrif á hvað ég valdi mér að vinna við.

Ég lít á list sem leið til að breyta sam­fé­lag­inu. Hún veitir fólki nýja sýn á hlut­ina og í gegnum hana er hægt að öðl­ast nýjar upp­lif­anir. Ég held að þessi reynsla mín í Suður-Afríku hafi haft áhrif á heims­mynd­ina mína og að ég vil leggja mig fram um að vinna að betri heimi.