Þessi grein birtist fyrir meira en mánuði.

Uppsögnin fær kannski að standa

Magnea Arn­ar­dótt­ir leik­skóla­kenn­ari seg­ist ætla að skoða kjara­samn­inga kenn­ara áð­ur en hún tek­ur ákvörð­un um hvort hún ætli að draga upp­sögn sína til baka. „En ég held að þetta sé góð­ur samn­ing­ur. Samn­inga­nefnd­irn­ar okk­ar hefðu ekki skrif­að und­ir hvað sem er,“ seg­ir hún.

Uppsögnin fær kannski að standa
Leikskólakennari Magnea segir kjarabaráttuna hafa tekið á kennara á síðustu vikum. Mynd: Aðsend

„Ég ætla klárlega að skoða samninginn áður en ég dreg uppsögnina til baka. En eins og ég hef sagt þá vil ég hvergi annars staðar vinna.“

Þetta segir Magnea Arnardóttir, leikskólakennari og þroskaþjálfi, í samtali við Heimildina. Hún sagði starfi sínu lausu í síðustu viku eftir að Samband íslenskra sveitarfélaga hafnaði innanhússtillögu ríkissáttasemjara í kjaradeilu kennara.

Spurð út í aðdraganda þeirrar ákvörðunar segir Magnea að síðustu mánuði hafi henni fundist talað illa um kennarastéttina. Því hefði verið haldið fram að kennarar tækju ekki samningum og segðu sífellt nei. „En samt á sama tíma erum við rosalega ómissandi. Svo þegar sambandið segir nei á föstudaginn þá missti ég alveg gleðina í þessu öllu saman. En þetta er besta vinna í heimi,“ segir hún. 

Glöð en full vantrausts

Magnea segir að blendnar tilfinningar hafi vaknað eftir að tilkynnt var að kjarasamningur Kennarasambands Íslands við ríki og sveit væri í höfn. „Ég er rosaglöð en að sama skapi er maður enn fullur vantrausts eftir síðustu vikur að fylgjast með fjölmiðlum og umræðu um kennslu og kennarastarfið. Blendnar tilfinningar, en ég held að það sé bjart fram undan.“

„Við erum glöð að sjá að þetta sé heildarhækkun en ekki einhvers konar fríðindadans
Magnea Arnardóttir

Magneu líst ágætlega á það sem hefur þegar verið kynnt um samningana. „Þetta eru hlutir sem við höfum átt inni síðustu ár. Ég held að þetta komi bara vel út fyrir okkur. Leikskólakennarar eru bara á berstrípuðum grunnlaunum. Við erum glöð að sjá að þetta sé heildarhækkun en ekki einhvers konar fríðindadans með yfirvinnutíma eða annað sem við vinnum ekki og höfum ekki tækifæri til að vinna hvort eð er,“ segir hún. 

Spurð hvort hún hefði viljað sjá meiri hækkun svarar hún því þó játandi. „Mér finnst að ég eigi ekki að fá lægri laun en fólk í banka, þannig að ég verð að segja já. En ég held að þetta sé góður samningur. Samninganefndirnar okkar hefðu ekki skrifað undir hvað sem er, þau eru alveg búin að sýna það. Það voru stór skref tekin.“

Fögnuðu með vöfflukaffi

Magnea segir samstarfsfólk hennar virðast sömuleiðis nokkuð bjartsýnt eftir að samningar náðust.

„Við hentum nú í vöfflukaffi [á miðvikudaginn]. En þetta er alveg búið að taka á fólk. Það er búið að ganga í gegnum ýmsar hæðir og lægðir í tilfinningum hérna undanfarnar vikur. Mér finnst kannski ekki koma nógu mikið fram að leikskólakennarastéttin hefur aldrei, aldrei, farið í verkfall fyrr en þessar aðgerðir hófust í haust.“ 

Magnea bætir því við að henni þyki jákvætt hve mikil samstaða var hjá kennarastéttinni allri í baráttunni. „Það er svolítið magnað að öll félögin voru saman í þessu. Okkur hefur oft verið egnt upp á móti hvert öðru og það er ákveðinn flótti á milli skólastiga. Okkur þykir vænt um það sem kennarar að við höfum öll verið saman í þessu.“

Kjósa
5
Hvernig finnst þér þessi grein? Skráðu þig inn til að kjósa.

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.
Tengdar greinar

Allt af létta

Mest lesið

Júlía Margrét Alexandersdóttir
2
Það sem ég hef lært

Júlía Margrét Alexandersdóttir

Ekki hlusta á allt sem heil­inn seg­ir þér

Júlía Mar­grét Al­ex­and­ers­dótt­ir hef­ur lif­að með geð­hvörf­um í 15 ár. Hún hef­ur kljáðst við dekksta lit þung­lynd­is og fund­ið fyr­ir und­ur­vellíð­an í man­íu. Í ferl­inu hef­ur Júlía lært að stund­um á hvorki hjart­að né heil­inn at­kvæð­is­rétt. „Stund­um eru það annarra manna heil­ar og annarra manna hjörtu sem vita best.“

Mest lesið

Mest lesið í vikunni

Mest lesið í mánuðinum

Sælukot hagnast um tugi milljóna en starfsfólk og foreldrar lýsa skorti
4
Rannsókn

Sælu­kot hagn­ast um tugi millj­óna en starfs­fólk og for­eldr­ar lýsa skorti

Einka­rekni leik­skól­inn Sælu­kot, sem hef­ur feng­ið millj­arð króna í op­in­ber fram­lög síð­asta ára­tug, hef­ur hagn­ast vel og nýtt pen­ing­ana til að kaupa fast­eign­ir fyr­ir stjórn­ar­for­mann­inn. Stjórn­end­ur leik­skól­ans segja mark­mið­ið vera að ávaxta rekstr­araf­gang, en fyrr­ver­andi starfs­menn og for­eldr­ar nem­enda kvarta und­an langvar­andi skorti. Skól­an­um var ný­lega lok­að tíma­bund­ið vegna óþrifn­að­ar og mein­dýra.
Hollt mataræði lykilatriði að góðri heilsu
6
Fréttir

Hollt mataræði lyk­il­at­riði að góðri heilsu

Ax­el F. Sig­urðs­son, sér­fræð­ing­ur í hjarta­lækn­ing­um, hef­ur skoð­að tengsl fæðu og lífs­stíls við sjúk­dóma, einkum hjarta- og æða­sjúk­dóma. Tal­að hef­ur ver­ið um að lífs­stíls­sjúk­dóm­ar séu stærsta ógn­in við heilsu fólks og heil­brigðis­kerfi til næstu ára­tuga. Ax­el seg­ir að fólk geti breytt miklu með hollu mataræði og hreyf­ingu. Fé­lags­leg tengsl séu líka mik­il­væg. Hann ráð­legg­ur hreina fæðu til að sporna við kvill­um.

Mest lesið í mánuðinum

Nýtt efni

Mest lesið undanfarið ár