Alls þarf Carbfix að upp­fylla sautján skil­yrði sam­kvæmt nið­ur­stöðu umfangs­mik­illar skýrslu Skipu­lags­stofn­unar um verk­efnið sem telur 56 blað­síður. Um er að ræða mat stofn­un­ar­innar á upp­bygg­ingu á nið­ur­dæl­inga­stöð Coda Terminal í nærri íbúa­byggð á Völlunum í Hafn­ar­firði. Fyr­ir­tækið stefnir á að dæla þremur millj­ónum tonna af CO2, eða koldí­oxíði, í berg í Hafn­ar­firði. Þær áætl­anir hafa mætt mik­illi and­stöðu íbúa í Hafn­ar­firði.

Alls bár­ust umsagnir frá þrettán stofn­unum og yfir 60 umsagnir frá ein­stak­lingum og félaga­sam­tökum eins og Land­vernd og Nátt­úru­vernd­ar­sam­tökum Suð­vest­ur­lands.

Á meðal skil­yrða skipu­lags­stofn­unar er að setja þurfi í starfs­leyfi skil­yrði um fjölgun skjálfta­mæla miðað við núver­andi aðstæður og að minnsta kosti verði bætt við tveimur bor­holu­mælum á nið­ur­dæl­ing­ar­svæð­inu.

Vöktunaráætlun vegna jarðskjálfta

Þá segir í skýrsl­unni að þó að litlar líkur séu á svo­kall­aðri örv­aðri jarð­skjálfta­virkni sé mik­il­vægt í ljósi umfangs fyr­ir­hug­aðra fram­kvæmda og nálægðar við íbúa­byggð að gæta fyllstu var­úðar, enda ekki hægt að úti­loka örv­aða jarð­skjálfta­virkni sem geti verið grein­an­leg hjá fólki. Því er mik­il­vægt að til staðar verði ítar­leg vökt­un­ar­á­ætlun sem og við­bragðs­á­ætlun komi til þess að vart verði við örv­aða jarð­skjálfta­virkni sem gæti náð um tvo kíló­metra frá svæð­inu. Það myndi þá ná til Valla­hverf­is­ins og stórs hluta Holta­hverf­is­ins.  

Ströng skilyrði um snefilefni

Þá er tekið mið af háværri gagn­rýni íbúa á Völlunum sem vöktu athygli á snefil­efnum sem geti fylgt nið­ur­dæl­ingum af þessum toga. Þannig er eitt skil­yrð­anna að í starfs­leyfi Umhverfis- og orku­stofn­unar þurfi að setja skil­yrði um leyfi­lega efna­sam­setn­ingu CO2 straums­ins. Hluti af vöktun og eft­ir­liti Carbfix með efna­sam­setn­ingu CO2 straums­ins felst síðan í að fylgj­ast með styrk efna í vökt­un­ar­holum til að tryggja að áhrifa vegna mögu­legra snefil­efna gæti ekki, auk þess sem vakta þarf súr­efn­is­þörf og súr­efn­is­styrk. Þá þarf Carbfix að gera kröfu um afhend­ingu efna­grein­ingar CO2 straums­ins fyrir afferm­ingu í Straums­vík, auk þess sem mæla þarf hrein­leika straums­ins fyrir dæl­ingu í geymslut­anka Coda Terminal til þess að ganga úr skugga um að hann upp­fylli kröfur um sam­setn­ingu í sam­ræmi við skil­grein­ingu í starfs­leyfi.

Þegar átt er við snefil­efni er verið að ræða um önnur efni sem geta verið hluti af CO2 straumnum og eru mögu­lega fangað á þeim stað þar sem koldí­oxíðið á upp­runa sinn.

Geta haft neikvæð áhrif á dvergbleikju

Þá þarf að gera rann­sókn á dverg­bleikju og botn­lægjum hrygg­leys­ingjum áður en fram­kvæmdir hefj­ast og byggt á þeim nið­ur­stöðum þarf að hafa sam­ráð við líf­fræð­ing um mögu­lega vöktun á þessum stofnum. 

Þegar kemur að tjörnum í og við Straums­vík telur Skipu­lags­stofnun að óvissa sé um umfang áhrifa. Í ljósi þess hve ein­stakar tjarn­irnar eru og líf­ríki þeirra, geti mögu­leg áhrif fyr­ir­hug­aðra fram­kvæmda orðið veru­lega nei­kvæð. 

Skipu­lags­stofnun tekur undir umsögn Umhverf­is­stofn­unar að ef nei­kvæðra breyt­inga verður vart í tjörn­unum og lík­an­reikn­ingar eða reynsla af rekstri svæð­is­ins sýni fram á að þessar breyt­ingar verði mun umfangs­meiri en gert var ráð fyrir, sé nauð­syn­legt að tak­marka umfang fyr­ir­hug­aðra fram­kvæmda.

Ljóst er af skýrsl­unni að mikil óvissa er um starf­sem­ina sem hefur ekki verið reynd af þess­ari stærð­argráðu á Íslandi, né svo nálægt íbúa­byggð.

Hér fyrir neðan má lesa öll skil­yrðin sem Skipu­lags­stofnun telur að þurfi til þess að hægt sé að gefa út leyfi fyrir fram­kvæmd­unum auk þess sem hægt er að nálg­ast skýrslu Skipu­lags­stofn­unar hér: