Fréttir

Þetta fá stjórnmálaflokkarnir úthlutað 2025

Sjö stjórn­mála­flokk­ar fá sam­tals 531,7 millj­ón­ir greidd­ar úr rík­is­sjóði fyr­ir ár­ið í ár. Sam­fylk­ing­in fær mest, eða 130,2 millj­ón­ir.

Þetta fá stjórnmálaflokkarnir úthlutað 2025
Mynd: Valgarður Gíslason
Birtist fyrir rúmu ári.

Þau framlög sem stjórnmálaflokkarnir munu fá úr ríkissjóði árið 2025 liggja fyrir og hafa verið birt á vefsíðu Stjórnarráðsins. 

Til stóð að flokkarnir fengju greiddar 622,2 milljónir úr ríkissjóði, líkt og gert var ráð fyrir í fjárlögum. Eftir að í ljós kom að Flokkur fólksins væri rangt skráður sem félagasamtök, ekki stjórnmálaflokkur, hjá Ríkisskattstjóra og stæðist því ekki lagaleg skilyrði fyrir því að fá styrki frá hinu opinbera varð fjárhæðin þó lægri, eða 531,7 milljónir. Það eru því 90,5 milljónir sem ekki greiðast úr ríkissjóði. 

Heimildin birti frétt í síðustu viku út frá svörum fjármálaráðuneytisins þar sem erfitt var að túlka annað en að óbreytt fjárhæð í fjárlögum myndi skiptast niður á alla aðra flokka hlutfallslega. Nú er ljóst að það var ekki rétt og beðist er velvirðingar á þeim mistökum. 

Hér má sjá hvað hver flokkur fær úr ríkissjóði:

Mynd: Stjórnarráðið

Aðrir flokkar voru líka rangt skráðir

Eftir að mál Flokks fólksins rataði í fjölmiðla kom upp úr dúrnum að aðrir stjórnmálaflokkar hefðu einnig þegið framlög úr ríkissjóði án þess að uppfylla skilyrði laga um skráningu sem stjórnmálasamtök. 

Árið 2022 hefði Sjálfstæðisflokkurinn til dæmis þegið 167 milljónir króna, stuttu áður en skráningu flokksins var breytt. Þá þáðu Vinstri græn framlög sem námu 266,6 milljónum króna án þess að uppfylla skilyrði laga um rétta skráningu. Sósíalistaflokkurinn fékk 50,5 milljónir króna, en hann var rangt skráður 2022 og 2023, og Píratar fengu 66,8 milljónir.

Enn liggur ekki fyrir hvort stjórnmálaflokkunum verði gert að endurgreiða opinbera styrki sína, líkt og stjórnsýslufræðingurinn Haukur Arnþórsson hefur sagt vera óhjákvæmilegt. Daði Már Kristófersson, fjármála- og efnahagsráðherra, sagði í samtali við Morgunblaðið í síðustu viku að styrkjamálið væri í skoðun og vinnslu innan ráðuneytisins. 

Spurningarnar sem Heimildin sendi fjármálaráðuneytinu 22. janúar:
Fram kemur í Morgunblaðinu í dag að Flokkur fólksins uppfylli ekki skilyrði til að fá opinberan styrk sem veittur er árlega til stjórnmálasamtaka. Í fjárlögum var gert ráð fyrir 622 milljónum í styrkina sem greiddir verða út um mánaðamótin. 
Mun sú upphæð sem ella hefði farið til Flokks fólksins, ef hann hefði uppfyllt skilyrðin, þá dreifast á hina flokkana þannig að þeirra heildarstyrkur hækkar? Liggur fyrir hversu háan styrk hver flokkur fær greiddan næst þegar styrkurinn er greiddur út?
Fjármálaráðuneytið svaraði 23. janúar:
Hver flokkur fær greitt af heildarfjárheimild í hlutfalli við atkvæðamagn. Upphæð styrkja liggur fyrir 25. janúar.
Kjósa
2
Hvernig finnst þér þessi grein? Skráðu þig inn til að kjósa.

Athugasemdir (2)

Skráðu þig inn til að skrifa athugasemd eða kjósa.
  • GÁ
    Guðmundur Ásgeirsson skrifaði
    29. janúar 2025 01:05
    "Heimildin birti frétt í síðustu viku út frá svörum fjármálaráðuneytisins þar sem erfitt var að túlka annað en að óbreytt fjárhæð í fjárlögum myndi skiptast niður á alla aðra flokka hlutfallslega. Nú er ljóst að það var ekki rétt og beðist er velvirðingar á þeim mistökum."

    Hvað sagði ég?
    https://www.visir.is/k/7fef9f02-98d6-483f-81e8-4b6878145f61-1738083648788/simatimi

    Falsfréttin hefur verið fjarlægð og afsökunarbeiðnin er því tekin til greina:
    https://heimildin.is/grein/23847/hinir-flokkarnir-graeda-a-rangri-skraningu-flokks-folksins/

    En hvað með Morgunblaðið? Mun það birta leiðréttingu á falsfréttinni?
    https://www.mbl.is/greinasafn/grein/1880591/

    Mun Haukur Arnþórsson einnig bera þessa sömu rangfærslu til baka?
    https://www.visir.is/g/20252680809d/almannafe-til-stjornmalasamtaka
    0
    • GÁ
      Guðmundur Ásgeirsson skrifaði
      2. febrúar 2025 17:16
      Haukur Arnþórsson hefur ekki dregið þessa rangfærslu sína til baka. Þvert á móti hélt hann henni til streitu í þættinum Sprengisandi á Bylgjunni í morgun.
      https://www.visir.is/k/819a8ffe-dd75-4bc6-a71a-3b20481c4a77-1738497683207/adgerdaleysi-utilokad-i-fjarstyrkjamali-islendinga
      Ekki hefur heldur orðið vart við leiðréttingu frá Morgunblaðinu.
      0
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

Vinstri byltingin sem varð ekki: Af hverju sameinaðist vinstrið ekki í borginni?
1
Greining

Vinstri bylt­ing­in sem varð ekki: Af hverju sam­ein­að­ist vinstr­ið ekki í borg­inni?

Vinstri græn, Sósí­al­ist­ar og Pírat­ar eru sam­an­lagt með fimmtán pró­senta fylgi í borg­inni. Hvor í sínu lagi gætu þeir hins veg­ar ver­ið í fall­bar­áttu. Til­raun­ir voru gerð­ar til að ná sam­an um sam­eig­in­legt fram­boð fyr­ir kom­andi borg­ar­stjórn­ar­kosn­ing­ar, und­ir for­ystu sósí­al­ist­ans Sönnu Magda­lenu Mörtu­dótt­ur. Van­traust og skort­ur á mál­efna­legri sam­leið kom í veg fyr­ir það.

Mest lesið

Mest lesið í vikunni

Langþráður draumur um búskap rættist
1
Innlent

Lang­þráð­ur draum­ur um bú­skap rætt­ist

Par­ið Víf­ill Ei­ríks­son og Al­ej­andra Soto Her­nández voru orð­in þreytt á borg­ar­líf­inu í Reykja­vík og höfðu auga­stað á bú­skap á lands­byggð­inni. Eft­ir stutta íhug­un festu þau kaup á bæn­um Syðra-Holti í Svarf­að­ar­dal ár­ið 2021 og fluttu þang­að ásamt for­eldr­um Víf­ils, þeim Ei­ríki Gunn­ars­syni og In­ger Steins­son og syst­ur hans, Ilmi Ei­ríks­dótt­ur. Þar rækta þau græn­meti á líf­ræn­an máta und­ir nafn­inu „Yrkja Svarf­að­ar­dal” og stefna á sauða­mjólk­ur­fram­leiðslu á næstu miss­er­um.

Mest lesið í mánuðinum

Mest lesið í mánuðinum

Nýtt efni

Segir umræðu um að senda flóttafólk heim veruleikafirrta og hættulega
Stjórnmál

Seg­ir um­ræðu um að senda flótta­fólk heim veru­leikafirrta og hættu­lega

Jasmina Vajzovic, sem flúði sem ung­ling­ur til Ís­lands und­an stríði, seg­ist hafa djúp­ar áhyggj­ur af um­ræðu stjórn­valda og stjórn­mála­manna um að senda flótta­fólk aft­ur til Palestínu og Sýr­lands. Jens Garð­ar Helga­son, vara­formað­ur Sjálf­stæð­is­flokks­ins, fagn­aði því að dóms­mála­ráð­herra vilji senda Sýr­lend­inga aft­ur til baka og spurði á þingi: „Hvað með Palestínu?“

Mest lesið undanfarið ár