Tæp þrjá­tíu pró­sent svar­enda í Kosn­inga­prófi Heim­ild­ar­innar áttu mesta sam­svörun með fram­bjóð­endum Sam­fylk­ing­ar­innar, sam­kvæmt nið­ur­stöðum prófs­ins eins og þær litu út í gær. Í næstu sætum þar á eftir voru Píratar og Flokkur fólks­ins, en 18,5 og 16,5 pró­sent svar­enda áttu mesta sam­svörun við fram­bjóð­endur þess­ara flokka. Enginn annar flokkur hafði mesta sam­svörun við yfir tíu pró­sent svar­enda í próf­inu.

Kosn­inga­próf Heim­ild­ar­innar er í tveimur útgáfum þetta árið, 30 spurn­inga létt­út­gáfu sem er opin öllum og svo 70 spurn­inga útgáfu sem er í boði fyrir áskrif­endur og skilar ítar­legri nið­ur­stöðum.

Fram­bjóð­endur í efstu fimm sætum á öllum listum í öllum kjör­dæmum fengu boð um þátt­töku í próf­inu. Þeir sem þreyta prófið geta svo séð hvernig svör þeirra sam­svara svörum fram­bjóð­enda flokk­anna, bæði með­al­tals svörum flokk­anna og svörum ein­staka fram­bjóð­enda.

Hlutfall svara í topp þremurÞessi mynd sýnir hversu hátt hlut­fall svar­enda hafa fengið þessa flokka á meðal þeirra þriggja efstu í Kosn­inga­prófi Heim­ild­ar­innar.

Mynd: Heim­ildin

Samfylkingin í topp þremur hjá 7 af 10 svarendum

Ljóst er að stór hluti þeirra sem tekið hafa prófið, sem finna má hér á vef Heim­ild­ar­innar, eiga sam­leið með flokkum sem flokk­ast geta vinstra megin við miðj­una á hinu póli­tíska lit­rófi, miðað við nið­ur­stöð­urnar úr kosn­inga­próf­inu, en þeir þrír flokkar sem koma oft­ast upp eru hallir undir félags­hyggju.  

Sam­svör­unin við Sam­fylk­ingu var ákaf­lega mikil hjá svar­endum, en sam­an­lagt höfðu 69,9 pró­sent þeirra sem voru búin að taka prófið í gær fengið Sam­fylk­ing­una sem einn þeirra þriggja flokka sem pössuðu best við svör þeirra. Píratar voru á meðal þriggja efstu flokka hjá 45,6 pró­sentum svar­enda og Flokkur fólks­ins í 41,2 pró­sentum til­fella.

Vinstri græn voru í topp þremur hjá 28,3 pró­sentum svar­enda, Framsókn hjá 27,1 pró­senti svar­enda, Viðreisn hjá 25,6 pró­sentum. Þar á eftir kom Lýð­ræð­is­flokk­ur­inn, sem kom upp sem topp þrjú flokkur hjá 17,9 pró­sentum svar­enda og þar á eftir Sjálf­stæð­is­flokkur hjá 13,8 pró­sentum svar­enda, Mið­flokkur hjá 12,2 pró­sentum og Sós­í­alistar hjá 12 pró­sentum. Ábyrg fram­tíð rekur svo lest­ina en not­endur prófs­ins fengu topp þrjú sam­svörun við fram­boðið, sem býður bara fram í Reykja­vík norður, í 7,3 pró­sentum til­fella. 

Hvað segir þetta okkur?

Allt er þetta nú til gam­ans gert og gefur okkur að sjálf­sögðu litla hug­mynd um annað en sam­svörun skoð­ana þess hóps sem þreytt hefur prófið við skoð­anir þeirra fram­bjóð­enda sem þreyttu prófið fyrir hönd flokk­anna. 

Það er svo einnig mögu­legt að svör fram­bjóð­enda end­ur­spegli stefnu flokk­anna mis­vel. Heim­ildin bauð öllum fram­bjóð­endum í efstu fimm sætum í öllum kjör­dæmum að þreyta prófið, en svör­unin var æði mis­jöfn eftir flokkum.

Hjá flestum flokkum var hún nokkuð góð, best hjá Sós­í­alistum, en 25 af 30 fram­bjóð­endum flokks­ins svör­uðu próf­inu. Það gerðu einnig 23 fram­bjóð­endur Sam­fylk­ingar, 22 fram­bjóð­endur Pírata og Við­reisnar, 20 fram­bjóð­endur Vinstri grænna, 16 fram­bjóð­endur Fram­sóknar og 15 fram­bjóð­endur Lýð­ræð­is­flokks­ins. 

Svörunin var hins vegar dræm­ari hjá Flokki fólks­ins (9 af 30), Sjálf­stæð­is­flokki (7 af 30) og Mið­flokki (4 af 30) og því síður hægt að segja að svörin í próf­inu end­ur­spegli almenna afstöðu flestra lyk­ilfram­bjóð­enda þess­ara flokka til þeirra mál­efna sem spurt er um. 

Kosn­inga­prófið er áfram aðgengi­legt á vef Heim­ild­ar­innar, en í ítar­efni prófs­ins, sem aðgengi­legt er áskrif­endum, er hægt að glöggva sig á því hvernig fram­bjóð­endur svara spurn­ingum prófs­ins og einnig hvernig svörin sem maður veitir stað­setja mann á þremur ásum, frá frjáls­hyggju til félags­hyggju, frá breyt­ingum til íhalds­semi og frá vald­dreif­ingu til vald­sækni.