Arna Lára Jónsdóttir, bæjarstjóri Ísafjarðar, mun leiða lista Samfylkingarinnar í Norðvesturkjördæmi í þingkosningunum í nóvember. Hún tók við sem bæjarstjóri Ísafjarðarbæjar sumarið 2022 en hefur jafnframt setið nokkrum sinnum sem varaþingmaður fyrir Samfylkinguna. 

Framboðslisti flokksins var samþykktur á fundi kjör­dæm­is­ráðs í kvöld.

Annað sætið í kjördæminu skipar Hannes S. Jónsson, framkvæmdastjóri Körfuknattleikssambands Íslands (KKÍ). Jóhanna Ösp Einarsdóttir, bóndi og oddviti í Reykhólahreppi, verður í þriðja sæti og Magnús Vignir Eðvaldsson, íþróttakennari og sveitarstjórnarfulltrúi í Húnaþingi vestra, í því fjórða. 

Í heiðurssætinu er Guðjón S. Brjánsson, fyrrverandi alþingismaður.

Í síðustu kosningum náði Samfylkingin ekki inn þingmanni í Norðvesturkjördæmi. 

Framboðslisti flokksins í Norðvesturkjördæmi er eftirfarandi:

1. Arna Lára Jónsdóttir – bæjarstjóri Ísafjarðarbæjar og ritari Samfylkingarinnar
2. Hannes S. Jónsson – framkvæmdastjóri KKÍ
3. Jóhanna Ösp Einarsdóttir – bóndi og oddviti í Reykhólahreppi
4. Magnús Vignir Eðvaldsson – íþróttakennari og sveitarstjórnarfulltrúi í Húnaþingi vestra
5. Sigríður Margrét Guðmundsdóttir – forstöðumaður í Borgarnesi
6. Garðar Svansson – fangavörður og bæjarfulltrúi í Grundarfirði
7. Bryndís Kristín Þráinsdóttir Williams – verkefnastjóri á Sauðárkróki
8. Gylfi Þór Gíslason – lögregluvarðstjóri á Vestfjörðum
9. Líney Árnadóttir – starfsráðgjafi í Húnabyggð
10. Guðrún Anna Finnbogadóttir – teymisstjóri atvinnu- og byggðaþróunar hjá Vestfjarðastofu
11. Stefán Sveinsson – sjómaður og smiður á Skagaströnd
12. Bakir Anwar Nassar  – starfsmaður Húsasmiðjunnar
13. Elísabet Ásdís Kristjánsdóttir – frístundaráðgjafi í Dalabyggð
14. Guðjón Brjánsson – fyrrverandi alþingismaður

Víðir leiðir í Suðurkjördæmi

Fyrr í kvöld var listi flokksins tilkynntur fyrir Suðurkjördæmi eftir fund kjördæmisráðs á Eyrarbakka. Í kjördæminu mun Víðir Reyn­is­son, yfirlögregluþjónn almannavarnasviðs ríkislögreglustjóra, leiða lista Sam­fylk­ing­ar­inn­ar í kom­andi alþing­is­kosn­ing­um. 

Víðir Reynisson

Mynd: Almannavarnir

Ása Berglind Hjálmarsdóttir, bæjarfulltrúi í Ölfusi og verkefnastjóri hjá Hörpu, skipar annað sætið sæti. Í þriðja sæti verður Sverrir Bergmann, söngvari  og bæjarfulltrúi í Reykjanesbæ. Fjórða sæti skipar Arna Ír Gunnarsdóttir, bæjarfulltrúi í Árborg og félagsráðgjafi.

Heiðurssætin skipa Oddný G. Harðardóttir, fyrrverandi formaður Samfylkingar og þingmaður, og Margrét Frímannsdóttir, fyrrverandi talsmaður flokksins og þingmaður til fjölda ára.

Framboðslisti flokksins í Suðurkjördæmi er eftirfarandi:

1. Víðir Reynisson – yfirlögregluþjónn almannavarnasviðs hjá ríkislögreglustjóra
2. Ása Berglind Hjálmarsdóttir – bæjarfulltrúi í Ölfusi og verkefnastjóri hjá Hörpu
3. Sverrir Bergmann Magnússon – söngvari og bæjarfulltrúi í Reykjanesbæ
4. Arna Ír Gunnarsdóttir – bæjarfulltrúi í Árborg og félagsráðgjafi
5. Ólafur Þór Ólafsson – stjórnsýslufræðingur og fyrrum sveitarstjóri á Tálknafirði
6. Arndís María Kjartansdóttir – kennari og fasteignasali í Vestmannaeyjum
7. Hlynur Snær Vilhjálmsson – iðnaðarmaður og nemi
8. Vala Ósk Ólafsdóttir – félagsráðgjafi í barnaverndarþjónustu
9. Gunnar Karl Ólafsson – starfsmaður Bárunnar stéttarfélags
10. Eyrún Fríða Árnadóttir – formaður bæjarráðs Hornafjarðar
11. Renuka Charee Perera – vörukynningar hjá MS
12. Óðinn Hilmarsson – húsasmíðameistari
13. Borghildur Kristinsdóttir – bóndi
14. Marta Sigurðardóttir – sérfræðingur hjá Isavia
15. Gísli Matthías Auðunsson – veitingamaður
16. Eggert Valur Guðmundsson – oddviti Rangárþings ytra
17. Lína Björg Tryggvadóttir – byggðaþróunarfulltrúi Uppsveita Árnessýslu
18. Friðjón Einarsson – fyrrverandi bæjarfulltrúi í Reykjanesbæ
19. Margrét Frímannsdóttir – fyrrverandi alþingismaður
20.  Oddný G. Harðardóttir – alþingismaður