Samkvæmt nýj­ustu kosn­inga­spá Heim­ild­ar­innar er Viðreisn með 13,1% fylgi og hækkar sig í könn­unum. Hann er fjórði stærsti flokk­ur­inn þegar horft er til nið­ur­staðna kann­ana sem gerðar hafa verið að und­an­förnu. Sjálf­stæð­is­flokk­ur­inn er þriðji stærstur og bætir eilítið við sig. 

Kosn­inga­spár Heim­ild­ar­innar eru unnar í sam­starfi við dr. Baldur Héð­ins­son, en hann hann­aði kosn­inga­spálíkan fyrir ára­tug sem vigtar fyr­ir­liggj­andi kann­anir og spáir um lík­leg­ustu nið­ur­stöðu. 

Sam­fylk­ingin er enn stærsti flokk­ur­inn sam­kvæmt kosn­inga­spánni en tapar fylgi, er með 23,5% í nýj­ustu kosn­inga­spá Heim­ild­ar­innar en var með 25,8% í þeirri síð­ustu þar á undan. Mið­flokk­ur­inn er næst stærstur með 17,1% en hann fer niður úr 17,9% frá síð­ustu spá. 

Píratar fara niður um 2,5 pró­sentu­stig, voru með 8,1% en fara niður í 5,6% nú. 

Framsókn bætir aðeins við sig og er með 7,2% í nýj­ustu kosn­inga­spánni. Vinstri græn hækka einnig lít­il­lega, eru í 4,2% en voru áður 3,9%.

Flokkur fólks­ins er á svip­uðum slóðum og áður, fer niður í 8,3%. Þá eru Sós­í­alista­flokk­ur­inn nú með 5% en 4,8% sam­kvæmt síð­ustu spá

Fyrsta spáin unnin á miðvikudag

Heim­ildin birti fyrstu kosn­inga­spá sína fyrir alþing­is­kosn­ing­arnar í helg­ar­blað­inu sem kom út í dag, 18. októ­ber. 

Sú spá var unnin út frá þeim könn­unum sem fyrir lágu á mið­viku­dag, þegar blaðið fór í prentun: könnun Maskínu sem gerð var dag­ana 7.-27. sept­em­ber sem vegur 29%,  Þjóð­ar­púlsi Gallup fyrir sept­em­ber­mánuð sem vegur 43% og könnun Prósents sem gerð var dag­ana 18. sept­em­ber - 3. októ­ber sem vegur 28%.

Nýjar kannanir bætast við

Í dag birtu síðan bæði Maskína og Prósent nið­ur­stöður nýrra kann­ana og vann Baldur nýja kosn­inga­spá með hlið­sjón af þeim. Könnun Maskínu var gerð dag­ana 2.-18. októ­ber.  Könnun Prósents var unnin fyrir Morg­un­blaðið og nær hún yfir það sem af er októ­ber­mán­aðar.

Þær kann­anir sem teknar eru gildar í kosn­inga­spá Heim­ild­ar­innar verða að upp­fylla lág­marks­skil­yrði töl­fræði­legrar aðferða­fræði. Þar er litið til stærðar úrtaks­ins, fjölda svar­enda, könn­un­ar­tíma­bils og þess hvort úrtakið stand­ist kröfur til að reyn­ast mark­tækt, svo fátt eitt sé nefnt.