Fréttir

Lindakirkja heldur minningarstund um Bryndísi Klöru

Haldin verður minn­ing­ar­stund um Bryndísi Klöru Birg­is­dóttur í Linda­kirkju á morgun. Þá hefur verið stofn­aður minn­ing­ar­sjóður sem mun styðja við verk­efni sem miða að því að vernda börn gegn ofbeldi og efla sam­fé­lag þar sem sam­kennd og sam­vinna eru í for­grunni.

Lindakirkja heldur minningarstund um Bryndísi Klöru
Bryndís Klara var 17 ára þegar hún lést. Mynd: Facebook
Birtist fyrir rúmum 2 árum.

Linda­kirkja mun halda minn­ing­ar­stund um Bryndísi Klöru Birg­is­dóttur á morgun, laug­ar­dag­inn 7. sept­em­ber klukkan 12-17. Í til­kynn­ingu frá kirkj­unni segir að stundin sé haldin í ljósi djúprar sorgar og ákalls sam­fé­lags­ins um að heiðra minn­ingu Bryn­dísar.

Ekkert talað mál mun fara fram á stund­inni, en allir sem vilja geta tendrað kerti í minn­ingu Bryn­dísar, beðið og átt hljóða stund í kirkj­unni. 

Bryndís Klara, sem fermd­ist í Linda­kirkju fyrir þremur árum, lést af sárum sínum eftir stungu­árás á Menn­ing­arnótt þann 30. ágúst. Á morgun verða tvær vikur liðnar frá voða­verk­inu. 

„Á stund­inni verður varpað upp myndum sem vinir og fjöl­skylda hafa tekið saman ásamt minn­ingum um Bryndísi og eft­ir­læt­is­tón­list hennar, valin af vin­konum hennar, mun hljóma,“ segir í til­kynn­ing­unni.

Þá segir að stofn­aður hafi verið Minn­ing­ar­sjóður Bryn­dísar Klöru. Hann er í umsjón KPMG og Halla Tóm­as­dóttir, for­seti Íslands, er vernd­ari hans. „Sjóð­ur­inn mun ein­beita sér að fræðslu, rann­sóknum og vit­und­ar­vakn­ingu til að koma í veg fyrir að slíkar hörm­ungar end­ur­taki sig. Framlög má leggja inn á reikn­ing 0515-14-171717, kennitala 430924-0600.“

Lind­kirkja biðlar enn fremur til allra sem bera hnífa að skila þeim til lög­regl­unnar. Þá óski for­eldrar Bryn­dísar þess að dauði hennar verði til þess að vopna­burður heyri sög­unni til og kær­leik­ur­inn verði eina vopnið.

Kjósa
9
Hvernig finnst þér þessi grein? Skráðu þig inn til að kjósa.

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

Mest lesið

Mest lesið í vikunni

Mest lesið í mánuðinum

Katla sem breytti heilbrigðiskerfinu
1
ViðtalLífið á Grensás

Katla sem breytti heil­brigð­is­kerf­inu

Enginn á Íslandi hefur lifað af jafn alvar­legan mænu­skaða og Katla Guðna­dóttir sem lenti í dul­ar­fullu bílslysi 22 ára gömul. Hún er föst á Grens­ás­deild þar sem kerfið hefur ekki afgreitt beiðni hennar um heima­þjón­ustu. Barátta hennar hefur þegar skilað for­dæma­lausri ákvörðun í heil­brigð­is­ráðu­neyt­inu en oft líður henni eins og fólki hefði þótt það auð­veld­ara ef hún hefði ekki lifað slysið af.

Mest lesið í mánuðinum

Nýtt efni

Mest lesið undanfarið ár