„Hvernig nær fólk endum saman í þessu landi?“ spyr Gígja Skúla­dóttir, hjúkr­un­ar­fræð­ingur og sjálf­stæður atvinnu­rek­andi, í færslu sem hún birtir á Facebook-síðu sinni. 

Tilefni færsl­unnar er sú að á síð­ustu mán­aða­mótum tvö­föld­uð­ust mán­að­ar­legar afborg­anir af hús­næð­is­láni Gígju. Síð­ast­lið­inn júní losn­uðu vextir af óverð­tryggðu láni hennar. Á einni svipan hækk­uðu mán­að­ar­legar afborg­anir hennar úr 169 þús­und krónum á mán­uði í rúmar 335 þús­und krónur. 

Breyt­ingin gerir það að verkum að Gígja stendur eftir með lítið fé á milli hand­anna til þess að eyða í grunn nauð­synjar eins og mat og rekstur á bíl. Samtals er mán­að­ar­leg greiðlsu­byrði Gígju í kringum 530 til 560 þús­und krónur.

„Hvernig fer venju­legt fólk af því að lifa á Íslandi þegar grunn­þarf­irnar eru svona kostn­að­ar­samar? Ég skil ekki af hverju það er ekki allt brjálað, hvernig getur seðla­banka­stjór­inn rétt­lætt þessar aðgerðir og þjóðin bara sam­þykkt þær og borgað hund­ruð þús­unda auka­lega á mán­uði?“ skrifar Gígja.