Fram­bjóð­end­urnir fjórir sem mælst hafa með mest fylgi þeirra sem sækj­ast eftir for­seta­kjöri munu mæt­ast í Pressu sem sýndur verður klukkan 10 á föstu­dag. Þetta er í fyrsta sinn sem þessi hópur fram­bjóð­enda deilir svið­inu í umræðu­þætti fyrir kosn­ingar. 

Katrín Jak­obs­dóttir og Baldur Þór­halls­son hafa hingað til skorað hæst í könn­unum. Katrín hefur oft­ast leitt, en Baldur einnig kom­ist efstur á blað í könn­unum í þess­ari viku. Jón Gnarr mæld­ist lengst af þriðji hæstur en Halla Hrund Loga­dóttir mæld­ist með meira fylgi en hann í könnun sem unnin var fyrir Morg­un­blaðið í vik­unni.

Það er því öruggt að tals­vert meiri spenna verður í þessum for­seta­kosn­ingum en í ár eða ára­tugi jafn­vel. 

Spennan verður síst minni þegar fram­bjóð­end­urnir mæt­ast fjögur í Pressu á föstu­dag­inn. Þátt­ur­inn verður sýndur í beinni útsend­ingu á vef Heim­ild­ar­innar klukkan 10 og verður fyrri hluti hans opinn öllum.