Fréttir

Fylgst með uppstokkun á ríkisstjórninni

Hópur blaðamanna bíður um þessar mundir í hús Alþingis eftir því að tilkynnt verður um skipan nýrrar ríkisstjórnar. Sumir fjölmiðlamannana hafi í biðinni ákveðið að stytta sér stundir með því að tefla. Á sama tíma og fundað var um uppstokkun ríkisstjórnarinnar var hópur leikskólabarna frá leikskólanum Víðivöllum í Hafnafirði mættur í vettvangsferð að heimsækja Alþingi.

9. apríl 2024 · 11:38

Birtist fyrir 3 árum.

Lýsingu lokið Nýjasta færsla kl. 14:22

14:22 9. apríl

Áhorfsmál hvort það verði kosið að vori

Að öllu óbreyttu verður kosið næst til Alþingis í september 2025 segir Bjarni Benediktsson í samtali við fréttamann RÚV.

14:05 9. apríl

Bjarni Ben verður forsætisráðherra

Sigurður Ingi Jóhannsson verður fjármálaráðherra og Innviðaráðuneytið færist til Vinstri grænna.

13:18 9. apríl

Mótmæltu fyrir utan Alþingi

Listakonurnar Margrét Rut Eddudóttir, Lukka Sigurðardóttir og Julia Mai stóðu fyrir utan Alþingi og mótmæltu. Á spjöldunum stóð „ekki Bjarna, STOP“ og „innviðir okkar þola ekki Bjarna Ben!!!“

Lögreglan tók spjöldin af listakonunum á meðan þær brugðu sér frá. Var farið með þau ofan í kjallara Alþingishússins. Þær mættu stuttu síðar inn í anddyrið og spurðu hvað hefði orðið af verkunum, sem máluð voru á striga.

Smá rekistefna myndaðist þá, enda voru þingverðir ný búnir að hafa vaktaskipti vegna hádegishlés og því vissu þeir sem voru komnir ekki af því að lögreglan hefði tekið og fjarlægt verkin. Þingvörður brást þó við eftir ábendingu og fór ofni í kjallara og ræddi við lögreglu, sem hafði gantast með að koma á fót galleríi, sem afhenti þingverði mótmælaverkin. Þingvörðurinn kom með hraði upp tröppurnar og skilaði verkunum til listakvennanna. Fullar sættir náðust því í málinu.

12:35 9. apríl

Hildur vill ekki tjá sig efnislega um stjórnarsamstarfið fyrr en eftir klukkan 14

Hildur Sverrisdóttir, þingflokksformaður Sjálfstæðisflokksins, vill ekki tjá sig efnislega um framhald stjórnarsamstarfsins fyrr en eftir að það er kynnt. „Sem mér skilst að er á eftir – núna klukkan tvö – og þingflokkur Sjálfstæðisflokksins afgreiddi fyrir sitt leyti tillöguna sem verður þá kynnt,“ sagði hún í samtali við Heimildina.

Var klappað?

„Það sem gerist á þingflokksfundum Sjálfstæðisflokksins er trúnaðarmál, svo við skulum halda því í óvissu hvort það var klappað,“ sagði hún.

Aðspurð sagði Hildur hlæjandi að það kæmi henni á óvart ef hún yrði ráðherra í ríkisstjórninni.

12:28 9. apríl

„Við erum sannfærð um að við getum náð meiri árangri“

Lilja Alfreðsdóttir, menningar- og viðskiptaráðherra, segir áframhaldandi ríkisstjórnarsamstarf byggja á þeim stjórnarsáttmála sem núverandi ríkisstjórn samþykkti í upphafi kjörtímabilsins.

12:06 9. apríl

Kynna fyrirkomulag ríkisstjórnarsamstarfsins á blaðamannafundi í Hörpu klukkan tvö í dag

Forystumenn stjórnarflokkanna ætla, samkvæmt heimildum fréttastofu RÚV, að kynna fyrirkomulag ríkisstjórnarsamstarfsins á blaðamannafundi í Hörpu klukkan 14 í dag.

12:05 9. apríl

Fresta þingfundi þangað til á morgun klukkan þrjú

Fregnir hafa borist af því að þingflokksformenn hafi á fundinum samþykkt að fresta þingfundi sem fram átti að fara í dag til morguns. Verður fundurinn haldinn klukkan þrjú.

11:44 9. apríl

Sigurður Ingi styður áframhaldandi samstarf

Sigurður Ingi Jóhannsson hefur rétt í þessu tjáð fjölmiðlum að hann hafi samþykkt að halda stjórnarsamstarfinum áfram. Í samtali við blaðamenn vildi Sigurður Ingi hins vegar ekki staðfesta sögusagnir um að hann myndi taka við fjármálaráðuneytinu og segir það verði tilkynnt síðar.

11:43 9. apríl

Tefla á meðan beðið er fregna

Á meðan fjölmiðlamenn bíða eftir frekari fréttum um ríkisstjórnarmyndun hafa sumir ákveðið að stytta sér stundir með því tefla skák.

11:34 9. apríl

Birgir Ármannsson: „Við verðum bara sjá hvað setur“

Blaðamaður Heimildarinnar náði tali af Birgi Ármanssyni, forseta Alþingis, þegar hann átti leið fram hjá henni í gegnum Alþingishúsið.

Spurður hvort að þingfundurinn sem hefur verið boðaður klukkan hálf tvö á eftir standi sagði Birgir að það sé samkvæmt dagskránni. „En við munum hins vegar hitta þingflokksformenn núna um hádegisbil til að ræða hvernig fyrirkomulagið á því verður,“ sagði Birgir.

Blm: Væntanlega verður ekki þingfundur nema það verði búið að mynda nýja ríkisstjórn fyrir hann?

„Við verðum bara að sjá hvað setur, ég ræði það við þingflokksformenn áður en að ég ræði það við fjölmiðla.“

11:29 9. apríl

Þingflokksformenn funda með forseta Alþingis

Fjölbreyttur hópur fólks var mættur í andyri Alþingishússins til þess að fylgjast með og fá fregnir af skipun nýrrar ríkisstjórnar.

Fundur þingflokksformanna með Birgi Ármannssyni, forseta Alþingis hefst innan skamms. Þar sem framtíðar skipan og uppstokkun ríkisstjórnarinnar verða rædd.

Fundur meðal Þingmanna Framsóknarflokksins hófst klukkan 10:30 í morgun og Þingmenn Vinstri grænna komu saman í Smiðju klukkan 11. Á fundum ræða flokkarnir innbyrðis um fyrirkomulag og mynstur á áframhaldandi stjórnarsamstarfi Framsóknarflokksins, Vinstri grænna og Sjálfstæðisflokksins.

Landsmenn bíða nú eftir því að fá að vita hvernig áframhaldandi ríkisstjórnarsamstarfi Framsóknarflokksins, Vinstri grænna og Sjálfstæðisflokksins verðihhagað eftir að Katrín Jakobsdóttir baðst lausnar úr embætti forsætisráðherra til þess að gefa kost á sér í forsetaframboð sem fram fer í sumar.

Óvíst er hver mun taka við embætti forsætisráðherra og hver úr röðum þingmanna Vinstri Grænna mun taka við ráðherrastóli í ríkisstjórninni. Þingflokkur Sjálfstæðisflokksins fundaði í gærkvöldi áframhaldandi stjórnasamstarf.

Fregnir Morgunblaðisns herma að Bjarni Benediktsson muni taka við sem forsætisráðherra og Sigurður Ingi Jóhannsson muni færa sig yfir í fjármálaráðuneytið.

Sjö ár eru síðan Bjarni Benediktsson gegndi síðast embætti forsætisráðherra. Forsætisráðherra tíð endist þó aðeins í nokkra mánuði.

Ef þessi uppstilling reynist vera rétt þá verður Sigurður Ingi Jóhannsson fyrsti þingmaður Framsóknarflokksins til þess að gegna embætti fjármálaráðherra síðan 1979. Milli áranna 1978 og 1979 gegndi Tómas Árnason því …

Kjósa

Hvernig finnst þér þessi grein? Skráðu þig inn til að kjósa.

Deila

Athugasemdir

Skráðu þig inn til að skrifa athugasemd eða kjósa.

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.