„Ég hef alltaf dregist að samskiptum þar sem er mjög skýr valdastrúktúr,“ segir Margrét Nilsdóttir, formaður BDSM á Íslandi. „Mér finnst það sexí en það gefur mér líka mikla öryggistilfinningu. Ég kann vel við mig í samskiptum sem byggjast á því að annar segir hvernig hlutirnir eiga að vera og hinn gerir það sem honum er sagt. Það er svoleiðis ást sem ég tengi við. Þetta er eiginlega eina ástarformið sem ég hef alltaf tengt við. Og þetta getur þess vegna verið platónsk ást,“ segir hán.

Margrét hefur tilheyrt BDSM samtökunum í um áratug og hefur verið formaður þeirra í fimm. Hán skilgreinir sig kynsegin og notar bæði kvenkyns og kynhlutlaus fornöfn. Hán segist hafa áhuga á náttúrunni, bæði plöntum og dýrum, allt frá skordýrum til mannfólks. Háni finnst einnig bæði gaman og gefandi að búa eitthvað til, hvort sem það eru hlutir sem fá fólk til að segja „vá“ …