Rík­is­sjóður mun bjóð­ast til þess að kaupa íbúð­ar­hús­næði í eigu ein­stak­linga í Grinda­vík. Í laga­frum­varpi sem sam­þykkt var á rík­is­stjórn­ar­fundi fyrr í dag er gert ráð fyrir að kostn­að­ur­inn við upp­kaup á íbúð­ar­hús­næði Grind­vík­inga muni kosta rík­is­sjóð um 61 millj­arð króna. Þá segir á vef Stjórn­ar­ráðs­ins að stefnt sé að því að festa frum­varpið í lög á Alþingi í næstu viku.

Gert er ráð fyrir því að fast­eign­irnar verði keyptar á verði sem nemur 95 pró­sent af bruna­bóta­mati að frá­dregnum veð­skuldum. Sem er í takt við bóta­greiðslur sem Nátt­úru­ham­fara­trygg­ingar Íslands greiða þegar hús er metin ónýt af völdum ham­fara.

Frum­varpið var unnið í sam­starfi við alla þing­flokka og kynnt fyrir bæj­ar­stjórn Grinda­víkur. Aðgerðin er stór liður í lang­tíma aðgerð­á­ætlun stjórn­valda sem miða að því að eyða þeirri óvissu sem Grind­vík­ingar hafa búið við frá því í nóv­em­ber í fyrra, þegar rýma þurfti bæinn vegna jarð­hrær­inga.

Í gær greindi fjár­mála- og efna­hags­ráðu­neytið frá því að tek­ist hafi að semja við tólf líf­eyr­is­sjóði um að rík­is­sjóður muni taka að sér að greiða vexti og verð­bætur sem leggj­ast á líf­eyr­is­sjóðs­lán Grind­vík­inga fram til maí mán­aðar.

Fasteignafélagið Þórkatla stofnað

Í til­kynn­ingu stjórn­ar­ráðs­ins kemur fram að til stendur að stofna og fjár­magna félag sem mun hafa umsjón með kaupum á umræddum fast­eignum og rekstri þeirra fyrir hönd rík­is­sjóðs. Mun nýja fyr­ir­tækið heita Fast­eigna­fé­lagið Þórkatla.

Þá segir í til­kynn­ing­unni að gert sé ráð fyrir að „félagið eigi til­kall til mögu­legra bóta úr Nátt­úru­ham­fara­trygg­ingu Íslands (NTÍ) og beri mögu­legan kostnað við nið­ur­rif komi til þess."

Lagt er til að fyr­ir­tækið verði fjár­magnað með tvenns konar hætti. Annars vegar með fjár­magni frá lán­veit­endum og hins vegar með greiðslum úr rík­is­sjóð.