Ljóst er að mál hennar Eddu Bjarkar Arnardóttur mun ekki fara fyrir dóm í Noregi fyrr en á nýju ári, þar sem dómstólar eru þétt bókaðir í desember. Þrátt fyrir það verður Edda Björk send út til Noregs á morgun eða hinn ef ekkert verður gert í hennar máli. 

Þetta segir einn lögmanna Eddu Bjarkar sem hefur verið hennar innan handar í fyrirmálum í samtali við Heimildina. „Edda hefur alltaf ætlað sér að mæta fyrir dóm. Þetta er sjö barna móðir en hún vill allavega að það sé komið á dagskrá úti,“ segir sami lögmaður, sem ekki vildi láta nafns sín getið, í samtali við Heimildina. 

Edda Björk stendur í forsjárdeilu við fyrrum eiginmann sinn í Noregi, en hann einn fer með forsjá drengjanna. Hún var handtekin fyrr í vikunni eftir að handtökuskipun var lögð á hana frá Noregi. 

Átti hún rétt á að hitta drengina þeirra þrjá í 16 klukkustundir á ári áður en hún kom drengjunum til Íslands. Hafa þeir verið hér á Íslandi í núna 20 mánuði og komið sér fyrir í félagslífinu og skólum. 

Lögmaður Eddu gagnrýnir aðferðir lögreglunnar, bæði hvernig hún var eftirlýst en einnig að hún sitji á Hólmsheiði með öðrum föngum. Lögreglan á höfuborgarsvæðinu birti myndir af Eddu Björk og lýsti eftir henni á samfélagsmiðlum sínum.

Þykir lögmanninum þetta furðulegt þar, sem ekki sé venjan að lýsa eftir glæpamönnum á slíkan hátt.

Handtaka Eddu BjarkarFjöldi einkennisklæddra lögreglumanna var viðstaddur handtöku Eddu Bjarkar

Systir Eddu Bjarkar tjáir sig fyrir hennar hönd

Rétt fyrir hádegi í dag setti systir Eddu Bjarkar inn Facebook færslu fyrir hennar hönd. Þar segir hún frá því að Edda missti forræðið yfir börnunum sínum í Noregi þar sem Edda fékk sjálf ekki að taka þátt í réttarhöldunum.