Jafnvel þó að Bjarni Bene­dikts­son fjár­mála­ráð­herra hafi sagt af sér seg­ist Jóhann Páll Jóhanns­son, þing­maður Sam­fylk­ing­ar­innar, ekki treysta rík­is­stjórn­inni til þess að selja frek­ari hlut í Íslands­banka. 

Bjarni sagði af sér í morgun í kjöl­far birt­ingar álits Umboðs­manns Alþingis sem komst að þeirri nið­ur­stöðu að Bjarni hafi verið van­hæfur til að að selja félagi í eigu föður síns, Bene­dikts Sveins­sonar, hlut í Íslands­banka í lok­uðu útboði sem fram fór í mars í fyrra.

Rík­is­stjórnin stefnir á að selja frek­ari hlut í Íslands­banka á næst­unni. 

„Ég treysti ekki þess­ari rík­is­stjórn til að selja rík­is­eignir vegna þeirra vinnu­bragða sem hafa birst í þessu máli og þau hafa varið fram í rauðan dauðan,“ segir Jóhann Páll.  

Jafnvel þó að Bjarni sé far­inn? 

„Já.“

Þannig að þú telur að fleiri innan rík­is­stjórn­ar­innar en hann séu ábyrgir? 

„Mér finnst hafa birst svo mikið virð­ing­ar­leysi gagn­vart eignum almenn­ings og grund­vall­ar­prinsippum um að fara vel með umsýslu þeirra og því að koma þeim í verð. Maður geldur var­hug við áfram­hald­andi sölu á bank­anum á meðan þetta hefur ekki verið gert upp.“

Í öryggisvesti að skoða fiskeldisker þegar fréttin barst

Jóhann Páll var staddur í Þor­láks­höfn – íklæddur örygg­is­vesti, stórum stíg­vélum og með örygg­is­hjálm á höfði – að skoða fisk­eld­isker með nokkrum öðrum með­limum atvinnu­vega­nefndar þegar frétt­irnar af afsögn Bjarna bár­ust. Hann segir frétt­irnar hafa komið á óvart.

„Þetta er mjög afger­andi álit frá umboðs­manni. Ég tel að þetta sé rétt ákvörðun – að bregð­ast við álit­inu með þessum hætti,“ segir Jóhann Páll sem telur þó að Bjarni hefði átt að taka ákvörð­un­ina fyrr.  

„Það hafa ítrekað á hans stjórn­mála­ferli komið upp mál þar sem hann er að athafna sig á gráa svæð­inu á milli stjórn­mála­lífs og við­skipta­lífs. Það hlaut að koma að því að honum væri ekki stætt lengur af því að gegna emb­ætti og hann geng­ist við því sjálfur.“

Jóhann Páll telur að það væri „lang­best“ fyrir þjóð­ina að ganga til kosn­inga. 

„En við í Sam­fylk­ing­unni erum ekk­ert að flýta okkur. Við notum allan þann tíma sem okkur gefst til að búa okkur undir það að taka hugs­an­lega við stjórn­ar­taumunum ef við fáum umboð til þess og þiggjum allan þann tíma með þökkum.“