Þessi grein birtist fyrir meira en ári.

„Ég held að þetta sé nú einn af okkar bestu fjármálaráðherrum, örugglega fyrr og síðar“

Bryndís Haraldsdóttir, þingmaður Sjálfstæðisflokksins, telur það hafa verið kórrétt ákvörðun hjá Bjarna Benediktssyni að segja af sér ráðherraembætti. Hún segir hann gríðarlega öflugan stjórnmálamann, einn besta fjármálaráðherra sem setið hefur, og finnst vel koma til greina að hann taki nú einfaldlega við ráðherraembætti í öðru ráðuneyti.

10. október 2023 · 15:49

Erla Hlynsdóttir

erlahlyns@heimildin.is

„Ég er nú bara svolítið sjokkeruð og sorgmædd,“ segir Bryndís Haraldsdóttir, þingmaður Sjálfstæðisflokksins, um afsögn Bjarna Benediktssonar, formanns flokksins, úr ráðherraembætti. „Ég held að þetta sé nú einn af okkar bestu fjármálaráðherrum, örugglega fyrr og síðar, þannig að ég er bara frekar sorgmædd yfir þessu,“ segir hún.

„Ég er bara frekar sorgmædd yfir þessu“

Bjarni sagði af sér embætti fjármála- og efnahagsráðherra á blaðamannafundi í morgun. Það gerði hann eftir að Umboðsmaður Alþingis komst að þeirri niðurstöðu að Bjarni hafi verið vanhæfur til að að selja félagi í eigu föður síns, Benedikts Sveinssonar, hlut í Íslandsbanka í lokuðu útboði sem fram fór í mars í fyrra.

Þarf að vera ákvörðun Bjarna

Ekkert hefur verið gefið út um framhaldið hjá Bjarna en ýmsar tilgátur hafa verið í umræðunni í dag. Ein þeirra er að Bjarni fari einfaldlega í annað ráðuneyti, nokkuð sem stjórnarandstöðuþingmenn hafa sagt vera frekar ódýrt.

En hvað finnst Bryndísi um þá hugmynd? „Mér finnst það vel koma til greina en þetta verður fyrst og fremst að vera ákvörðun Bjarna Benediktssonar sem hann svo ræðir við okkur og sína samstarfsflokka,“ segir hún.

Bryndís er sannfærð um að það hafi verið rétt ákvörðun hjá Bjarna að segja af sér og aðspurð segist hún vona að það veiki ekki ríkisstjórnina að formaður eins af stjórnarflokkunum þremur segi af sér ráðherraembætti í kjölfar niðurstöðu um vanhæfi hans í embættisverkum.

Öflugur stjórnmálamaður og öflug forysta

„Nei, það vona ég ekki. Ég held að þessi viðbrögð hjá Bjarna Benediktssyni í dag hafi verið kórrétt þó að manni kunni að finnast það sárt og leiðinlegt, og það sýnir í rauninni bara hversu öflugur stjórnmálamaður Bjarni Benediktsson er. Þannig að ég hef fulla trú á því að ríkisstjórnin haldi áfram störfum með þessa öflugu forystu sem hún hefur í dag.,“ segir Bryndís.

Formenn ríkisstjórnarflokkanna þriggja funduðu fyrr í dag en ekkert hefur verið gefið upp um hvað þar var rætt eða niðurstöðu fundarins.

Kjósa

Hvernig finnst þér þessi grein? Skráðu þig inn til að kjósa.

Deila

Efnisorð

Afsögn Bjarna Ben

Athugasemdir (5)

Skráðu þig inn til að skrifa athugasemd eða kjósa.

Guðjón Jensson skrifaði
17. október 2023 17:50

Sem Mosfellingur þá hefði eg viljað sjá einbeittari afstöðu Bryndísar sem eg tel vera með betri þingmönnum SJálfstæðisflokksins.
Því miður axlaði Bjarni enga ábyrgð. Hann kom sér undan ábyrgðinni og afglöp hans eru enn í dagsljósinu enda sagði hann ekki af sér embætti eins og tilhlýðilegt hefði verið í öllum þeim löndum þar sem stjórnmálamenn vita upp á sig skömmina og segja raunverulega af sér embætti. Vonandi sjá fuyrrum kjósendur Sjálfstæðisflokksins að formannsnefnan er ekki í tenglsum við raunveruleikann og kjósi annan flokk sem sýnir af sér meiri ábyrgð en að hafa stólaskipti.

0
Guðrún Aðalsteinsdóttir skrifaði
11. október 2023 13:57

Það er þessi siðferðisskortur sem veldur mér óhug

0
Guðrún Aðalsteinsdóttir skrifaði
11. október 2023 13:49

Ótrúlega fáránlegt þetta leikrit, dáður sem aldrei fyrr og leikur fórnarlamb og kór íhaldsins kyrjar með honum og vill held ég, fá hann tekinn í dýrðlingatölu.

0
Guðjón Jensson skrifaði
11. október 2023 01:22

Ætli framtíðin telji BB ekki fremur vera einn af þeim verstu fjármálaráðherrum sögunnar. Hann sem æðsti yfirmaður skattrannsókna virðist lítið aðhafst við spillingu fyrri tíma. Það má lesa nánar í grein í Heimildinni

0
Jack Danielsson skrifaði
10. október 2023 20:19

Aumingjans heiladauða og heimska kona sem þekkir ekki söguna.
Bófinn er einhver sá alversti fjármálaráðherra sem þjóðin hefur fengið yfir sig, gjörspilltur raðlygari, þjófur, svikari og hefur minna en ekkert vit á fjármálum, það sannar 150 þúsund milljón króna gjaldþrotasaga bófans þar sem almenningur var látinn borga 130 þúsund milljónir fyrir þennan ótýnda glæpahund.

3

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Tengdar greinar

Afsögn Bjarna Ben

FréttirAfsögn Bjarna Ben

Telur að Bjarni hafi axlað ábyrgð þó hann hætti ekki alfarið

Sigurður Ingi Jóhannsson, innviðaráðherra og formaður Framsóknarflokksins, telur að Bjarni Benediktsson fjármálaráðherra hafi þegar axlað ábyrgð á vanhæfi sínu við söluna á Íslandsbanka sem umboðsmaður Alþingis komst að niðurstöðu um.

FréttirAfsögn Bjarna Ben

Katrín svarar því ekki hvort hún hafi hvatt Bjarna til að sitja áfram í ríkisstjórn

Forsætisráðherra telur langt í land með að hægt verði að ræða frekari bankasölu, ólíkt fráfarandi fjármálaráðherra sem tiltók það sem sérstakt verkefni nýs fjármálaráðherra, á blaðamannafundi formanna stjórnarflokkanna í morgun. Stjórnarflokkarnir sömdu um vopnahlé eftir skærusumar á Þingvöllum í gær.

FréttirAfsögn Bjarna Ben

„Ég ætti í reynd ekki annan valkost en að sitja áfram við ríkisstjórnarborðið“

Bjarni Benediktsson fráfarandi fjármálaráðherra telur að hann hafi ekki getað annað en að sitja áfram við ríkisstjórnarborðið, þrátt fyrir að hafa sagt af sér embætti fjármálaráðherra. Með því að taka sæti utanríkisráðherra segist hann vilja auka pólitískan stöðugleika, sem sé forsenda þess efnahagslega.

GreiningAfsögn Bjarna Ben

Að selja banka í góðri trú og armslengd

Álit umboðsmanns Alþingis, sem sagði Bjarna Benediktsson vanhæfan til að selja föður sínum hlut í Íslandsbanka, efast ekki um staðhæfingar Bjarna um „hreina samvisku“ eða góða trú. Það snýr að því að Bjarni hafi ekki gætt að hæfi sínu með því að leyfa sér að taka áhættu um hvort hann væri að selja föður sínum hlut í banka eða ekki þegar hann kvittaði undir söluna.

FréttirAfsögn Bjarna Ben

Sjö af hverjum tíu vilja að Bjarni hætti sem ráðherra

Alls telja 80 prósent aðspurðra í nýrri könnun að það hafi verið rétt ákvörðun hjá Bjarna Benediktssyni að segja af sér ráðherraembætti. Yfirgnæfandi meirihluti þeirra sem svöruðu könnuninni vilja að Bjarni hætti alfarið sem ráðherra og taki ekki að sér annað ráðuneyti.

GreiningAfsögn Bjarna Ben

Armslengd frá stjórnarkreppu

Afsögn Bjarna Benediktssonar hefur leitt af sér glundroða innan ríkisstjórnar Íslands. Nú eru formennirnir í kappi við tímann við að finna einhverja lausn. Sú lausn þarf að taka mið af þeim raunveruleika að Bjarni vill hætta í stjórnmálum. Hann er búinn með sín níu líf á því sviði, en er þó opinn fyrir að stiga burt á annan hátt til að lágmarka skaðann fyrir ríkisstjórnarsamstarfið og Sjálfstæðisflokkinn.

Mest lesið

Viðtal

„Hann sagðist ekki geta meir“

„Ég gat ekki bjargað barnabarninu mínu. En ef það verður til þess að ég geti kannski bjargað einhverjum, þó ekki nema einu barni, þá vil ég segja sögu okkar,“ segir Þórhildur Helga Þorleifsdóttir kennsluráðgjafi. Sonarsonur hennar, Patrekur Jóhann Kjartansson Eberl, fannst látinn miðvikudaginn 12. maí 2021, aðeins fimmtán ára gamall. Hann hafði svipt sig lífi.

Fréttir

Þórdís Kolbrún afskrifaði Gunnar Smára á opnum fundi

Gunnar Smári Egilsson, frambjóðandi Sósíalista, segir mestu ógn Íslendinga vera að styðja Úkraínumenn gegn innrás Rússa og fullyrðir að „vel mætti enda stríðið“. Þórdís Kolbrún Reykfjörð Gylfadóttir brást illa við hugmyndum hans.

Allt af létta

Eins og þruma úr heiðskíru lofti þegar vinurinn lést

„Ég væri að ljúga ef ég segði að ég hefði aldrei haft það betra. Þú verður að afsaka ef það koma ekki alveg heilar setningar,“ segir Einar Hansberg Árnason, sem hefur frá því á laugardag framkvæmt röð krefjandi æfinga í þágu sjálfsvígsforvarna og mikilvægri starfsemi Píeta-samtakanna.

Pressa#29

Baráttan um vinstrið

Gunnar Smári Egilsson, oddviti Sósíalistaflokks Íslands, og Rósa Björk Brynjólfsdóttir, frambjóðandi Vinstri grænna, mætast í Pressu þar sem umræðan hverfist um íslenska vinstrið.

ViðtalFormannaviðtöl

Síðasta tilraun Ingu Sæland

Flokkur fólksins var stofnaður til að útrýma fátækt á Íslandi, sem Inga Sæland, formaður flokksins, þekkir af eigin raun. Hún boðar nýtt húsnæðiskerfi með fyrirsjáanleika og niðurskurð í öllu því sem heita aðgerðir gegn loftslagsbreytingum. Grænasta land í heimi eigi að nota peningana í heilbrigðiskerfi og aðra innviði sem standi á brauðfótum.

StjórnmálAlþingiskosningar 2024

Samfylkingin geri „ófrávíkjanlega kröfu“ um flugvöllinn í Vatnsmýri

Fyrrverandi formaður Samfylkingarinnar segir að það sé „ófrávíkjanleg krafa“ flokksins að Reykjavíkurflugvöllur verði á sínum stað þar til nýr flugvallarkostur fyrir höfuðborgarsvæðið verði tilbúinn. Með auknu fylgi Samfylkingar á landsbyggðinni og raunar um allt land hafa viðhorfin meðal stuðningsmanna flokksins til framtíðarstaðsetningar Reykjavíkurflugvallar breyst töluvert.

Mest lesið

Mest lesið í vikunni

Afhjúpun

Leyniupptaka lýsir vinargreiða og hrossakaupum Bjarna og Jóns

Sonur og viðskiptafélagi Jóns Gunnarssonar þingmanns fullyrðir í upptökum sem teknar voru af manni sem sagðist vera fjárfestir að Jón hafi samþykkt beiðni Bjarna Benediktssonar um að þiggja sæti á lista gegn því að Jón komist í aðstöðu til veita veiðileyfi til Hvals hf. Það verði arfleifð Jóns að tryggja Kristjáni Loftssyni nánum vini sínum leyfið. Það sé hins vegar eitthvað sem eigi að fara leynt.

Viðtal

„Hann sagðist ekki geta meir“

Viðtal

Mögulegt að hætta að vinna um fimmtugt

Georg Lúðvíksson, sem hefur unnið við heimilisfjármál og fjármálaráðgjöf um árabil, segir að með reglulegum sprnaði frá þrítugu geti meðaltekjufólk hætt að vinna um fimmtugt, en það fari þó eftir aðstæðum. Ef spara á til langs tíma þá hafi það sögulega reynst best að fjárfesta í vel dreifðu verðbréfasafni. Grundvallarreglan er einfaldlega að eyða minna en maður aflar.

Fréttir

Bjarni bað um útilokun Jóns daginn sem upptökunni var dreift

Bjarni Benediktsson forsætisráðherra beindi því til ráðuneytisstjóra matvælaráðuneytis að útiloka Jón Gunnarsson frá vinnslu umsókna Hvals um nýtt veiðileyfi sama dag og leyniupptökur sem lýsa samkomulagi þeirra fóru í dreifingu.

Fréttir

Þórdís Kolbrún afskrifaði Gunnar Smára á opnum fundi

Flækjusagan

Ný frétt: Slapp Hitler lifandi?

Á sínum tíma las Illugi Jökulsson með mestu athygli fréttir um að nýbirt skjöl FBI gæfu til kynna að foringi þýskra nasista, Adolf Hitler, hefði komist undan til Argentínu. Þetta var ekki í fyrsta sinn sem slíkar fréttir bárust.

Mest lesið í mánuðinum

Afhjúpun

Leyniupptaka lýsir vinargreiða og hrossakaupum Bjarna og Jóns

AfhjúpunSamherjaskjölin

Lögreglan á nýrri slóð: Fundu skilaboð Þorsteins

Tæknimönnum á vegum héraðssaksóknara tókst á dögunum að endurheimta á annað þúsund smáskilaboð sem fóru á milli Þorsteins Más Baldvinssonar og Jóhannesar Stefánssonar, á meðan sá síðarnefndi var við störf í Namibíu. Skilaboðin draga upp allt aðra mynd en forstjórinn og aðrir talsmenn fyrirtækisins hafa reynt að mála síðustu fimm ár.

Viðtal

Missti son sinn í eldsvoða á Stuðlum

Jón K. Jacobsen, faðir 17 ára drengs sem lést í eldsvoða á Stuðlum síðastliðinn laugardag, segist hafa barist árum saman við kerfið til að halda syni sínum á lífi. „Núna berst ég við kerfið til að halda minningu hans á lofti.“

Fréttir

Dofri dæmdur fyrir tálmun

Dofri Hermannsson, stjórnarmaður í Félagi um foreldrajafnrétti, hefur verið dæmdur í 10 mánaða skilorðsbundið fangelsi fyrir að hafa haldið dóttur sinni frá móður hennar.

Viðtal

Grunaði að það ætti að reka hana

Vigdís Häsler var rekin úr starfi framkvæmdastjóra Bændasamtakanna eftir að nýr formaður tók þar við fyrr á árinu. Hún segir kosningavél Framsóknarflokksins hafa verið gangsetta til að koma honum að. Vigdís ræðir brottreksturinn og rasísk ummæli sem formaður Framsóknarflokksins hafði um hana. Orðin hafi átt að smætta og brjóta hana niður. Hún segist aldrei munu líta Sigurð Inga Jóhannsson sömu augum eftir það.