Sævar Kristjánsson greiddi á síðasta ári tæpar 152 milljónir króna í skatta, þar af um 145 milljónir í fjármagnstekjuskatt. Þær skattgreiðslur fleyta Sævari í 15. sæti yfir þau sem hæsta greiddu skattana á Íslandi í fyrra. Það dugar Sævari þó ekki nema til að komast í þriðja sætið í röð skattakónga í Kópavogi.

Sem hljóta að vera vonbrigði, ekki satt?

„Jú, auðvitað er það,“ svarar Sævar hlæjandi.

Tekjur Sævars, sem námu um 679 milljónum á síðasta ári, eru að stærstum hluta tilkomnar vegna sölu á fjölskyldufyrirtækinu Hagblikki, sem Sævar seldi á síðasta ári til fyrirtækisins Fagkaupa.

Faðir Sævars, Kristján Ingimundarson, var einn stofnenda Hagblikks en fyrirtækið var stofnað árið 1986 af þremur gamalgrónum blikksmiðjum, gagngert í þeim tilgangi að bjóða í smíði og uppsetningu nýs verslunarhúsnæðis Hagkaups. „Hann stofnaði fyrirtækið auðvitað og ég kom til liðs við hann …