Fréttir

Kjálkanes hagnaðist um 4,4 milljarða og á 28 milljarða í eigið fé

Fjár­fest­inga­fé­lag í eigu Björgólfs Jó­hanns­son­ar og að­ila sem tengj­ast hon­um fjöl­skyldu­bönd­um er á með­al stærstu eig­enda Síld­ar­vinnsl­unn­ar og Sjóvá. Þá er fé­lag­ið stærsti hlut­haf­inn í Norð­ur­böð­um, sem eiga Jarð­böð­in á Mý­vatni og Sjó­böð­in á Húsa­vík. Það borg­aði hlut­höf­um sín­um 850 millj­ón­ir króna í arð vegna síð­asta árs.

Kjálkanes hagnaðist um 4,4 milljarða og á 28 milljarða í eigið fé
Stjórnarformaður Björgólfur Jóhannsson, fyrrverandi forstjóri Icelandair og Samherja, sem var formaður stjórnar Samtaka atvinnulífsins árum saman, er stjórnarformaður Kjálkanes og á meðal eigenda. Mynd: Samherji
Birtist fyrir tæpum 3 árum.

Kjálkanes, fjárfestingafélag með heimilisfesti á Grenivík í eigu sömu aðila og eiga útgerðina Gjögur, hagnaðist um 4,4 milljarða króna í fyrra. Vegna þessa árangurs lagði stjórn félagsins til að 850 milljónir króna yrðu greiddar út í arð vegna ársins 2022 og eigið fé Kjálkanes 28 milljarðar króna í lok síðasta árs. Félagið er nær skuldlaust og eiginfjárhlutfall þess er 99,93 prósent.

Félagið greiddi hluthöfum sínum tvo milljarða króna í arð í fyrra og því nema arðgreiðslur á tveimur árum næstum 2,9 milljörðum króna. Þetta kemur fram í nýlega birtum árs­reikn­ingi Kjálka­ness. 

Langverðmætasta eign félagsins er 16,06 prósent hlutur í Síldarvinnslunni en Kjálkanes er næst stærsti eigandi hennar á eftir Samherja, sem á 30,06 prósent. 

Björgólfur stjórnarformaður

Á meðal hluthafa er Björgólfur Jóhanns­son, sem er meðal annars fyrr­ver­andi for­stjóri Sam­herja og var um árabil formaður Samtaka atvinnulífsins, en aðrir hlut­hafar eru fólk sem teng­ist honum fjöl­skyldu­bönd­um, meðal ann­ars systk­ini hans. Systk­ina­hóp­ur­inn á 8,67 pró­sent hlut hver en Björgólfur er stjórnarformaður Kjálkaness. Stærstu ein­stöku eig­end­urnir eru hins vegar Ingi Guð­munds­son, fram­kvæmda­stjóri félags­ins, og Anna Guð­munds­dótt­ir, sem eiga 22,54 pró­sent hlut hvor. Anna situr í stjórn Síldarvinnslunnar og Ingi er varamaður í stjórn. 

Auk þess á Kjálka­nes 37,41 pró­sent hlut í Hrólfsskeri, stærsta eig­anda trygg­inga­fé­lags­ins Sjó­vá með 15,65 prósent hlut. Stærsti eigandi Hrólfsskers er Kaldbakur, fjárfestingafélag Samherjasamstæðunnar. Björgólfur er stjórn­ar­for­maður Sjó­vá. 

Þá á Kjálkanes 36,38 prósent hlut í Norðurböðum og er stærsti hluthafi þess. Á meðal eigna Norðurbaða er 44 prósent hlutur í Jarðböðunum í Mývatnssveit og 35 prósent hlutur í Sjóböðunum á Húsavík. Björgólfur og Ingi sitja í stjórn Norðurbaða. 

Raunverulegt eigið fé sennilega miklu meira

Síld­ar­vinnslan, stærsta eign Kjálka­ness, var skráð á markað í maí í 2021. Þegar það gerðist seldi Kjálkanes bréf í henni fyrir alls 17 millj­arða króna, en bók­færður sölu­hagn­aður var níu millj­arðar króna. Sú sala gjörbreytti stöðu félagsins til hins betra og leiddi til þess að hagnaður þess milli áranna 2020 og 2021 um 10,7 milljarða króna. 

Miðað við útboðs­gengi var virði Síldarvinnslunnar 101,3 millj­arðar króna við skrán­ingu. Það hefur hækkað gríð­ar­lega síðan þá, en við lok við­skipta í síðustu viku var félagið metið á tæplega 218 millj­arða króna. Það þýðir að hlutur Kjálkanes í Síldarvinnslunni er metinn á um 35 milljarða króna. Bókfært virði hans í ársreikningi er hins vegar 13,6 milljarðar króna. Miðað við þetta þá er eigið fé Kjálkanes vanmetið um rúmlega 20 milljarða króna.

Þar verður þó að taka með í reikninginn að Síldarvinnslan keypti útgerðina Vísi í Grindavík í fyrra á 31 milljarð króna. Skömmu áður hafði félagið keypt 34,2 prósent hlut í norska lax­eld­is­fé­lag­inu Arctic Fish Holding AS fyrir um 13,7 millj­arða króna. Það félag á allt hlutafé í Arctic Fish ehf. sem er eitt af stærstu lax­eld­is­fyr­ir­tækjum á Íslandi og rekur eld­is­stöðvar á Vest­fjörðum.

Kjósa
18
Hvernig finnst þér þessi grein? Skráðu þig inn til að kjósa.

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

„Við ætlum ekki að vakna upp við þá martröð“
4
Innlent

„Við ætl­um ekki að vakna upp við þá mar­tröð“

Nú­tím­inn birti yf­ir­lýs­ingu frá nafn­laus­um ein­stak­lingi sem seg­ist bera ábyrgð á því að hafa mál­að yf­ir hinseg­in fán­ann á kirkjutröpp­um Grafa­vogs­kirkju. Þar seg­ist hann hafa vilj­að sjá við­brögð­in við því sem hann kall­ar „mynd­list­ar­gjörn­ing“. Ráð­herra gef­ur lít­ið fyr­ir þessi skrif og seg­ir ras­ista vilja end­ur­skil­greina ís­lenska fán­ann. Hún hvet­ur fólk til að standa gegn sundr­ungu.

Mest lesið

Mest lesið í vikunni

Sagt upp í Ráðhúsinu þar sem hún lá á bráðamóttöku
1
Innlent

Sagt upp í Ráð­hús­inu þar sem hún lá á bráða­mót­töku

Þeg­ar Hólm­fríð­ur Helga Sig­urð­ar­dótt­ir lagði hjólandi af stað í vinn­una í síð­ustu viku grun­aði hana ekki hvað var í vænd­um. Hún varð fyr­ir bíl og þar sem hún lá slös­uð á bráða­mót­töku var henni sagt upp störf­um sem upp­lýs­inga­full­trúi í Ráð­hús­inu. Hún seg­ir frá því þeg­ar hún fékk „ tvö rot­högg á ein­um ör­laga­rík­um degi“.

Mest lesið í mánuðinum

Milljarða fjárfestingar Guðbjargar sem ekki sjást í skýrslunni
1
Úttekt

Millj­arða fjár­fest­ing­ar Guð­bjarg­ar sem ekki sjást í skýrsl­unni

Við­skipta­veldi Guð­bjarg­ar Matth­ías­dótt­ur bygg­ir fyrst og fremst á hagn­aði í sjáv­ar­út­vegi. Frá því að hún sett­ist í stjórn Ís­fé­lags­ins hafa nærri 15 millj­arð­ar streymt úr Ís­fé­lag­inu í Vest­manna­eyj­um til Guð­bjarg­ar og fjöl­skyldu. Hvorki hún né fjár­fest­ing­ar henn­ar koma fram í skýrslu sem unn­in var að beiðni Al­þing­is um eign­ir, eig­end­ur og fjár­fest­ing­ar stærstu út­gerð­ar­fé­laga lands­ins.
Samherjabörnin greiddu lán foreldra sinna með eignarhlut í stærsta eiganda Samherja
3
Viðskipti

Sam­herja­börn­in greiddu lán for­eldra sinna með eign­ar­hlut í stærsta eig­anda Sam­herja

Lán­ið sem Þor­steinn Már Bald­vins­son og Helga Stein­unn Guð­munds­dótt­ir veittu börn­um sín­um til að kaupa nærri helm­ings hlut í Sam­herja af þeim hef­ur ver­ið gert upp. Börn­in, þau Bald­vin, for­stjóri Sam­herja, og Katla Þor­steins­börn eru nú orðn­ir með­eig­end­ur for­eldra sinna í fé­lög­un­um sem lán­uðu þeim fyr­ir kaup­un­um. Sam­þykkt­ir fé­lags­ins tryggja þeim fast­ar arð­greiðsl­ur úr K&B á hverju ári.
Halldór Jörgen Olesen
5
Aðsent

Halldór Jörgen Olesen

Hver borg­ar fyr­ir arð­semi bank­anna?

Ís­lensku bank­arn­ir græða nærri tvö­falt meira á hverri lán­aðri krónu en evr­ópsk­ir bank­ar. Há­ir stýri­vext­ir Seðla­bank­ans juku hagn­að­inn, en bjuggu hann ekki til. Skýr­ing­in ligg­ur í þrennu: að­eins þrír stór­ir bank­ar skipta mark­aðn­um á milli sín, verð­tryggð lán færa verð­bólgu­áhætt­una frá bönk­un­um yf­ir á heim­il­in, og krón­an lok­ar land­inu fyr­ir sam­keppni að ut­an. Töl­urn­ar stand­ast skoð­un og spurn­ing­arn­ar sem þær vekja gera það líka.

Mest lesið í mánuðinum

Nýtt efni

„Við ætlum ekki að vakna upp við þá martröð“
Innlent

„Við ætl­um ekki að vakna upp við þá mar­tröð“

Nú­tím­inn birti yf­ir­lýs­ingu frá nafn­laus­um ein­stak­lingi sem seg­ist bera ábyrgð á því að hafa mál­að yf­ir hinseg­in fán­ann á kirkjutröpp­um Grafa­vogs­kirkju. Þar seg­ist hann hafa vilj­að sjá við­brögð­in við því sem hann kall­ar „mynd­list­ar­gjörn­ing“. Ráð­herra gef­ur lít­ið fyr­ir þessi skrif og seg­ir ras­ista vilja end­ur­skil­greina ís­lenska fán­ann. Hún hvet­ur fólk til að standa gegn sundr­ungu.

Mest lesið undanfarið ár