Í síðustu viku bætti tæknirisinn Meta enn einum samfélagsmiðlinum við vörulínu sína, Threads, miðill sem er sambærilegur við Twitter og gefur notendum sínum færi á að senda frá sér færslur sem geta ekki verið lengri 500 stafabil. Nýi samfélagsmiðillinn er samtvinnaður við annað gífurlega vinsælt forrit í eigu Meta, Instagram, en krúnudjásnið í vöruframboði Meta er vitaskuld Facebook. 

Íslendingum, og raunar Evrópubúum öllum, stendur ekki til boða að skrá sig á samfélagsmiðilinn því hann stenst ekki kröfur sem evrópska persónuverndarlöggjöfin, GDPR, setur smáforritum. Engu að síður fer miðillinn vel af stað ef litið er til talna um nýskráða notendur, þeir voru yfir 70 milljónir á fyrstu tveimur sólarhringunum eftir að miðillinn fór í loftið. Þar skipti höfuðmáli tenging hins nýja miðils við Instagram en um það bil tveir milljarðar nota samfélagsmiðilinn reglulega.

Threads langvinsælasta Twitter-hliðstæðan

Threads varð því á örskotsstund langvinsælasti samfélagsmiðillinn af þeim sem róa á sömu mið og …