Þessi grein birtist fyrir meira en 2 árum.
Fréttir Salan á Íslandsbanka

Birna hætt sem bankastjóri Íslandsbanka

„Ég hef ákveð­ið að stíga til hlið­ar sem banka­stjóri Ís­lands­banka með hags­muni bank­ans að leið­ar­ljósi svo ró geti mynd­ast vegna sátt­ar Ís­lands­banka við fjár­mála­eft­ir­lit Seðla­banka Ís­lands,“ seg­ir í yf­ir­lýs­ingu frá Birnu Ein­ars­dótt­ur.

Birna hætt sem bankastjóri Íslandsbanka
Hætt Birna Einarsdóttir hefur ákveðið að stíga til hliðar sem bankastjóri Íslandsbanka. Mynd: Heimildin / Davíð Þór
Erla Hlynsdóttir
erlahlyns@heimildin.is

Birna Einarsdóttir, bankastjóri Íslandsbanka, og stjórn bankans hafa gert samkomulag um starfslok Birnu að hennar frumkvæði. Stjórnin hefur ráðið Jón Guðna Ómarsson í starf bankastjóra. Þetta kemur fram í tilkynningu frá bankanum.

Birna hættir í kjölfar þess að sátt Ís­lands­banka við fjár­máleft­ir­lit Seðla­banka Ís­lands var birt en hún fel­ur í sér við­ur­kenn­ingu á að lög hafi ver­ið brot­in við sölu á 22,5 pró­senta hlut rík­is­ins í bank­an­um á síð­asta ári.

Jón Guðni hefur starfað hjá Íslandsbanka og forverum hans frá árinu 2000 og gegnt starfi framkvæmdastjóra fjármála bankans frá 2011. Jón Guðni mun áfram gegna stöðu framkvæmdastjóra fjármála Íslandsbanka uns ráðið hefur verið í þá stöðu.

Í yfirlýsingu frá Birnu kemur fram:

„Ég hef ákveðið að stíga til hliðar sem bankastjóri Íslandsbanka með hagsmuni bankans að leiðarljósi svo ró geti myndast vegna sáttar Íslandsbanka við fjármálaeftirlit Seðlabanka Íslands. Með því axla ég ábyrgð á mínum þætti málsins. Umræðan hefur verið óvægin og ýmsum stjórnmálamönnum hefur verið tíðrætt um afsögn mína. Ég óska þeim velfarnaðar í þeirra störfum. 

Það er með miklum trega sem ég yfirgef Íslandsbanka enda hef ég starfað hjá bankanum og forverum hans í um 30 ár. Starfsævi mín hefur nánast öll verið helguð bankanum og okkur hefur tekist að byggja upp eitt öflugasta fyrirtæki landsins með einstökum starfsmannahópi. Ég hef eignast marga góða vini bæði í hópi starfsfólks og viðskiptavina. Sátt fjármálaeftirlits Seðlabanka Íslands snýr eingöngu að þessu eina verkefni, að öðru leyti hefur ferill minn hjá bankanum verið farsæll. 

Undir minni stjórn, sem bankastjóri, hefur eigið fé bankans aukist um næstum 150 milljarða auk þess sem ríflega 110 milljarðar hafa verið greiddir í arð til hluthafa.

Okkur hefur tekist að ná fram fjölda sigra á fjármálamarkaði með mannleg gildi að leiðarljósi. Ég kveð bankann með söknuði en sátt við mitt verk. Ég óska öllu mínu samstarfsfólki góðs gengis og vona innilega að með þessu skapist friður í kringum fyrirtækið og fólkið sem mér þykir svo vænt um.“

Jón Guðni var forstöðumaður fjárstýringar frá 2008 til 2011. Jón hefur sinnt ýmsum störfum hjá bankanum og forverum hans, til dæmis innan markaðsviðskipta, þar sem hann veitti ráðgjöf um áhættuvarnir og á fyrirtækjasviði, þar sem hann tók þátt í erlendum lánveitingum. Jón Guðni hefur einnig sinnt ráðgjöf við áhættustýringu banka hjá SunGard í Boston.

Kjósa
3
Hvernig finnst þér þessi grein? Skráðu þig inn til að kjósa.
Efnisorð

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.
Tengdar greinar

Salan á Íslandsbanka

Bjarni segir það Alþingi að kenna að hann hafi ekki gætt að hæfi sínu
FréttirSalan á Íslandsbanka

Bjarni seg­ir það Al­þingi að kenna að hann hafi ekki gætt að hæfi sínu

Bjarni Bene­dikts­son, fyrr­ver­andi fjár­mála- og efna­hags­ráð­herra, seg­ir að hann hafi gert ráð fyr­ir bless­un þings­ins á að ekki þyrfti að gæta að hæfi hans gagn­vart hverj­um og ein­um kaup­anda á Ís­lands­banka í mars 2022. Þing­inu hefði átt að vera aug­ljóst að ekki væri hægt að fylgja hæfis­regl­um í sölu­með­ferð­inni sem val­in var. Bjarni sat fyr­ir svör­um á opn­um fundi stjórn­skip­un­ar- og eft­ir­lits­nefnd­ar í dag.

Mest lesið

Mest lesið

Mest lesið í vikunni

Mest lesið í mánuðinum

Týndu strákarnir – sem fundu leiðina heim
2
ÚttektTýndu strákarnir

Týndu strák­arn­ir – sem fundu leið­ina heim

Á átján ára af­mæl­is­dag­inn vakn­aði Fann­ar Freyr Har­alds­son á neyð­ar­vist­un og fékk lang­þráð frelsi eft­ir að hafa þvælst í gegn­um með­ferð­ar­kerfi rík­is­ins. Hann, Gabrí­el Máni Jóns­son og Arn­ar Smári Lárus­son lýsa reynslu sinni af kerf­inu sem átti að grípa þá sem börn og ung­ling­ar. Tveir þeirra byrj­uðu að sprauta sig í með­ferð, samt sam­mæl­ast þeir um að þessi inn­grip séu lík­leg­asta ástæð­an fyr­ir því að þeir lifðu af. Ekk­ert lang­tíma­úr­ræði er fyr­ir stráka sem stend­ur.
„Eiginmaður minn hefur aldrei átt eignarhlut í Skeljungi“
3
Stjórnmál

„Eig­in­mað­ur minn hef­ur aldrei átt eign­ar­hlut í Skelj­ungi“

Hild­ur Björns­dótt­ir, odd­viti Sjálf­stæð­is­flokks í borg­ar­stjórn, fjall­aði ít­rek­að um samn­inga sem vörð­uðu lóð­ir bens­ín­stöðva þrátt fyr­ir að eig­in­mað­ur henn­ar stýrði móð­ur­fé­lagi Skelj­ungs. Lóð­ir bens­ín­stöðva Skelj­ungs hafa síð­an ver­ið seld­ar til tengdra fé­laga fyr­ir vel á ann­an millj­arð króna. Hún seg­ir hæfi sitt aldrei hafa kom­ið til álita.

Mest lesið í mánuðinum

Nýtt efni

Hver vill búa á hrikalegu jökulskeri?
Vettvangur

Hver vill búa á hrika­legu jök­ulskeri?

Í sum­ar gekk fjöl­þjóð­leg­ur hóp­ur nátt­úru­fræð­inga yf­ir Breiða­merk­ur­jök­ul og upp í af­skekktu jök­ulsker­in Esju­fjöll. Þau voru þang­að kom­in til að skoða hvernig líf þró­ast og tek­ur land und­an hop­andi jökl­um lands­ins. Blaða­mað­ur Heim­ild­ar­inn­ar fylgdi hópn­um og lærði um áhrif lofts­lags­breyt­inga á jökla og gróð­ur, kyn­leg­ar líf­ver­ur og nýj­ar vís­inda­leg­ar upp­götv­an­ir.

Mest lesið undanfarið ár