Heim­ildin heyrði í Ásdísi, en hún rekur sitt eigið ráð­gjaf­ar­fyr­ir­tæki og kemur inn sem for­stöðu­maður í ráð­gjaf­ar­hlut­verki. Hún hefur áður leyst af í þessu hlut­verki hjá Vega­gerð­inni.

Ásdís segir að til standi að Vega­gerðin aug­lýsi for­stöðu­manns­starfið á haust­mán­uðum. „Ég kem hér inn sem ráð­gjafi bara. En mér finnst gaman að taka þátt í þessu verk­efni. Þetta er mik­il­væg inn­viða­upp­bygg­ing og það er minn bak­grunnur, ég var hjá Orku­veit­unni og Veitum og þetta er verk­efni sem er gaman að fá tæki­færi til að vinna í,“ segir hún.

Spurð hvað henni þyki skemmti­legt við að vinna í Borg­ar­línu­verk­efn­inu segir Ásdís: „Mér finnst þetta ríma svo­lítið við það þegar menn voru að byggja upp hita­veit­una, vatns­veit­una og frá­veit­una hérna í gamla daga. Þetta voru stór­huga aðilar með fram­tíð­ar­sýn, og fram­sýnir. Það var umdeilt á sínum tíma en ég er á því að þetta sé sam­bæri­legt verk­efni, mik­il­væg inn­viða­upp­bygg­ing, og það gefur starf­inu aukið gildi að vera að taka þátt í því sem maður trúir að skipti sam­fé­lagið máli.“ 

Fyrsti áfangi Borg­ar­lín­unnar er í svo­kall­aðri for­hönnun og verk­inu er skipt upp í marga mis­mun­andi verk­hluta í Reykja­vík og Kópavogi. Ásdís segir að marg­vís­leg vinna sé í gangi þrátt fyrir að lítið hafi e.t.v. heyrst opin­ber­lega af hinum mörgu verk­þáttum í Borg­ar­línu­verk­efn­inu frá því að skýrsla með frum­drögum fyrsta áfanga var opin­beruð í byrjun febr­úar 2021.

Raunar er það svo að unnið er að Borg­ar­lín­unni á skrif­stofum víða um Evrópu, enda vinnur fjöl­þjóð­legt hönn­un­arteymi undir for­ystu alþjóð­lega verk­fræði­fyr­ir­tæk­is­ins Artelia Group að hönn­un­inni í kjöl­far þess að þeirra teymi varð hlut­skarp­ast í sam­keppni sem haldin var árið 2021.

„Jú, þetta er öfl­ugt teymi erlendra ráð­gjafa. Þetta er flókið verk­efni og umfangs­mikið og ekki til þekk­ing á svona BRT-kerfi hér á Íslandi, þannig að við erum að læra margt og það er verið að skil­greina margt. Við höfum öfl­uga ráð­gjafa með okkur í þessu verk­efni, þeir eru víða staddir erlendis, en það eru líka íslenskir ráð­gjafar, sem eru lyk­il­að­ilar í að hafa „lókal“-þekk­ing­una,“ segir Ásdís. 

Spurð hvort hún hafi fylgst náið með Borg­ar­línu­verk­efn­inu og umræð­unni um verk­efnið und­an­farin ár seg­ist hún hafa gert það, eins og hún reiknar með að flestir hafi gert. „Mitt sjón­ar­horn er það að ég er vön að vinna með grund­vall­ar­inn­viði og mér finnst sterkar almenn­ings­sam­göngur hljóta að vera grunn­ur­inn að fram­tíð­inni, þannig er mín til­finn­ing fyrir þessu verk­efni. Þetta er stórt, risa­stórt verk­efni, og eðli­legt að menn hafi skoð­anir á því,“ segir Ásdís.

Alltaf tækifæri til umbóta

Hún stofn­aði ráð­gjaf­ar­fyr­ir­tækið Gemba árið 2008 ásamt Margréti Eddu Ragn­ars­dóttur og hefur rekst­ur­inn gengið vel að hennar sögn. „Við erum tveir kven­verk­fræð­ingar úr orku­brans­anum og höfum verið að kenna og inn­leiða straum­línu­stjórnun og vinna með umbætur í fyr­ir­tækjum og minnka sóun í ferlum.

Spurð hvort það séu alltaf tæki­færi til umbóta í rekstri fyr­ir­tækja og stofn­ana segir Ásdís: „Já, alveg enda­laus tæki­færi til umbóta og oft mjög mik­ill vilji til þess líka, sem er svo­lítið gaman. Menn sjá að það eru tæki­færi og þetta er skemmti­legur vett­vangur að vinna á.“