Lögreglu bár­ust 123 til­kynn­ingar um kyn­ferð­is­brot fyrstu þrjá mán­uði yfir­stand­andi árs. Þar af var til­kynnt um 42 nauðg­anir. Það jafn­gildir því að til­kynnt hafi verið um 24 pró­sent færri kyn­ferð­is­brot en skráð voru að með­al­tali síð­ustu þrjú ár á undan, og 9 pró­sent færri nauðg­anir. Í fyrra voru til­kynnt 177 kyn­ferð­is­brot, þar af 60 nauðg­anir, á fyrstu þremur mán­uðum árs­ins.

Þetta kemur fram í skýrslu Rík­is­lög­reglu­stjóra um kyn­ferð­is­of­beldi á fyrstu þremur mán­uðum árs­ins. Hluti brot­anna sem um ræðir voru til­kynnt á tíma­bil­inu en höfðu átt sér stað fyrr. Alls var til­kynnt um 75 kyn­ferð­is­brot sem áttu sér stað á tíma­bil­inu, þar af 21 nauðgun.

Í 42 pró­sentum til­vika voru þolendur undir átján ára aldri þegar horft er til allra kyn­ferð­is­brota. Með­al­aldur grun­aðra var hins vegar 35 ár og þar af voru 13 pró­sent undir átján ára aldri Þá var til­kynnt um 27 kyn­ferð­is­brot gegn börnum og 9 blygð­un­ar­sem­is­brot. Til­kynntum kyn­ferð­is­brotum gegn börnum fækk­aði um 22 pró­sent frá fyrra ári en blygð­un­ar­sem­is­brot voru því sem næst jafn mörg og árið 2022.

Tilkynnt var um 45 önnur kyn­ferð­is­brot á tíma­bil­inu, og eru það einkum kyn­ferð­is­leg áreitni eða staf­ræn kyn­ferð­is­brot. Á síð­asta ári var til­kynnt um 66 brot sem flokkuð eru sem önnur kyn­ferð­is­brot.

Þegar horft er til mán­að­anna þriggja sést að flest kyn­ferð­is­brot voru til­kynnt lög­reglu í febr­úar mán­uði, 54 tals­ins. Af þeim voru 33 brot til­kynnt sem gerð­ust í þeim mán­uði. Flestar nauðg­anir voru einnig til­kynntar í febr­úar, 23, og þar af gerð­ust 10 í febr­úar í ár.

Fjöldi brota­þola í öllum málum voru 92 og þar af 83 konur, sem jafn­gildir 90 pró­sentum. Fjöldi grun­aðra voru 94, þar af voru 88 karlar, eða 94 pró­sent. Fjöldi grun­aðra í nauðg­un­ar­málum voru 41, þar af tvær konur.

Mynd: Lög­reglan