Fanney Birna Jóns­dóttir, lög­fræð­ingur og blaða­maður, hefur verið ráðin nýr dag­skrár­stjóri Rásar 1. Hún er fyrr­ver­andi frétta­stjóri Frétta­blaðs­ins, fyrr­ver­andi aðstoð­ar­rit­stjóri Kjarnans og hafði umsjón með Silfrinu á RÚV um ára­bil. Fanney tekur við starf­inu af Þresti Helga­syni sem sagði upp febr­úar. Stefán Eiríks­son útvarps­stjóri greindi starfs­fólki frá ráðn­ing­unni í dag. 

Átján sóttu um starf dag­skrár­stjóra Rásar 1 sem aug­lýst var í síð­asta mán­uði. Tveir drógu umsókn sína til baka en meðal þeirra sextán sem eftir stóðu var fjöldi kanóna úr stétt fjöl­miðla­fólks.

Meðal þeirra sem sem sóttu um stöð­una var Gunn­hildur Arna Gunn­ars­dóttir, blaða­maður á Lækna­blað­inu. Gunn­hildur er fyrr­ver­andi rit­stjóri dag­blaðs­ins 24 stunda og fyrr­ver­andi umsjón­ar­maður Morg­un­út­varps Rásar 2.

Lára Ómars­dóttir fjöl­miðla­kona, sem nýverið lét af störfum sem sam­skipta­stjóri fjár­fest­inga­fé­lags­ins Aztiq, var einnig á meðal umsækj­enda. Áður en Lára tók við stöðu sam­skipta­stjóra þar hafði hún starfað í fjöl­miðlum um ára­bil, sem frétta­maður og dag­skrár­gerð­ar­kona, og síð­ast sem frétta­maður í frétta­skýr­inga­þætt­inum Kveik á RÚV.

Þá sótti Þor­finnur Ómarsson, bróðir Láru, einnig um stöð­una en þau systk­ini eru sem kunn­ugt er börn Ómars Ragn­ars­sonar fjöl­miðla­manns, sem um ára­bil starf­aði á Rík­is­út­varp­inu. Þor­finnur hefur starfað í fjöl­miðlum um ára­bil og meðal ann­ars stýrt Íslandi í dag á Stöð 2 og Viku­lok­unum á Rás 1, auk ann­ars.

Guðni Tómasson starf­andi dag­skrár­gerð­ar­maður á Rás 1 var einnig meðal umsækj­enda en hann stýrir þætt­inum Víðsjá og er fyrr­ver­andi menn­ing­ar­rit­stjóri Frétta­tím­ans.

María Björk Ingva­dóttir sótti einnig um stöð­una en hún er fyrr­ver­andi fram­kvæmda­stjóri sjón­varps­stöðv­ar­innar N4, sem hætti starf­semi í byrjun febr­úar. Tölu­verða athygli vakti í des­em­ber síð­ast­liðnum þegar meiri­hluti fjár­laga­nefndar Alþingis ákvað að veita 100 millj­óna króna fram­lag til rekst­urs fjöl­miðla á lands­byggð­inni sem fram­leiddu sjón­varps­efni, eftir að María Björk fór fram á að fá slíkan styrk í beiðni til nefnd­ar­innar. Ekki síst vakti ákvörð­unin athygli í ljósi þess að mágur Maríu Bjarkar, Stefán Vagn Stef­áns­son, situr í meiri­hluta fjár­laga­nefndar. Hins vegar var dró fjár­laga­nefnd í land með veit­ingu styrks­ins eftir gagn­rýni í fjöl­miðlum. María Björk er fyrr­ver­andi frétta­maður á Rík­is­út­varp­inu og starf­aði meðal ann­ars hjá svæðis­út­varp­inu á Norð­ur­landi.

Þor­steinn J. Vil­hjálms­son var þá meðal umsækj­enda en Þor­steinn hefur starfað í fjöl­miðlum í ára­tugi, ýmist hjá fjöl­miðla­fyr­ir­tækjum eða sjálf­stætt. Hann var meðal ann­ars einn stjórn­enda í Íslandi í dag á Stöð 2 og hefur starfað bæði á RÚV og Bylgj­unni, svo eitt­hvað sé nefnt. Á síð­asta ári flutti RÚV þætti Þor­steins um Skeggja Ásbjarn­ar­son kenn­ara, þar sem flett var ofan af brotum hans gegn nem­endum sínum og vöktu þeir mikla athygli. Þor­steinn fékk nýverið Blaða­manna­verð­laun fyrir þætt­ina.

Auk þess­ara umsækj­enda má nefna að meðal ann­arra sem sóttu um voru Júlía Margrét Ein­ars­dóttir sem er verk­efna­stjóri vef­út­gáfu og dag­skrár­gerð­ar­kona á RÚV, Hjálmar Hjálm­ars­son leik­ari, Matthías Tryggvi Har­alds­son, sem titl­aður er texta- og hug­mynda­smiður en er kannski þekkt­astur fyrir að vera með­limur hljóm­sveit­ar­innar Hatara og Magnús Lyngdal Magn­ús­son sér­fræð­ingur en hann er eig­in­maður Ragn­hildar Thorlacius, dag­skrár­gerð­ar­konu á Rás 1.